Kisi prisiri fu di yu e prati moro tijdschrift
1 Yehovah en bigi organisâsi ini heymel nanga grontapu sma sabi en nanga den froktu di a e meki. Nanga yepi fu Yeyses Krestes, Yehovah meki wan grontapu organisâsi di abi leki marki tu friwani wrokoman di e meki froktu (Ps. 110:3; Mat. 9:37, 38). Efu wi poti prakseri tapu na furu fu diniwroko so bun di wi e du sobun leki na kwaliteit fu en, dan seyker moro prisiri sa kon fu dati (Luk. 10:17). Disi de spesrutu na kofal efu wi tranga wi yeye fu bigi wi persoonlijk prati fu den tijdschrift Na Wachttoren nanga Ontwaakt!
2 A prati fu tijdschrift na wan fu den moro prenspari fasi fa a Kownukondreboskopu kan panya. Winsi disi e tan na kofal aladi a preykiwroko e bradi en srefi, dan den kon si tu taki ini son kontren na prati fu den tijdschrift go na baka. San kan du ini a tori fu na go na baka disi? San na wantu prenspari penti di wi kan hori ini prakseri di kan meki wi srefi man fu prati moro tijdschrift?
WAN POSITIEF FASI FU BIGIN
3 Na fosi stap fu prati moro de: ABI LOBI GI DEN TIJDSCHRIFT. Wi e doro na marki disi moro makriki te wi srefi de doronomo leysiman fu Na Wachttoren nanga Ontwaakt! Efu wan pasi kba wi sabi san de na en ini, dan wi sa wani kobroyki ibri okasi di fiti fu pristeri en na sma na dorosey. Gi moro furu fu wi ibri satra e pristeri wi wan tumusi bun okasi fu teki prati na a oso-fu-oso prati fu den tijdschrift. Furu gemeente e poti ten na wan sey gi tijdschriftwroko a mindri wiki gi den preykiman di no man fu go tapu satra ini na velddienst. Sonwan e feni kande taki preyki a neti e gi wan tumusi bun okasi fu pristeri tijdschrift oso-fu-oso. Stratiwroko, wroko fu wenkri fu wenkri, preyki na okasi èn tijdschriftroute de alamala tumusi bun fasi fa wi kan teki prati na a prati fu den tijdschrift. Ini na gewoon oso-fu-osowroko den moro nyun tijdschrift kan pristeri te sma e weygri na pristeri fu na mun. Abi na prakseri fu du disi, kan gi wi prisiri.
4 Wan di fu tu ray fu prati moro tijdschrift de: HORI EN EENVOUDIG, Son preykiman meki en muylek gi den srefi fu prati tijdschrift fu di den e hori langa taki. Tra preykiman ben kobroyki na tori fu takimakandra te den ben teki prati na a tijdschrift-wroko. Ma disi den no e rikomanderi. Di Na Wachttoren fu 1 maart 1957 ben gi deki-ati fu prati moro furu tijdschrift, dan den ben taki drape na ini: „Sma [kan] pristeri den tijdschrift moro bun syatu èn hori yu srefi na a tori. A marki de fu prati furu eksenplaar di sa ’taki’ gi den srefi. Na Genootschap e gi na ray fu kobroyki pristeri fu wan afu miniti te wan miniti èn fu taki syatu fu wan tumusi bun penti fu na tijdschrift di yu e pristeri.”
5 Leki tra penti: WAN FU GO NA FURU SEY. Sreka moro leki wan pristeri. Efu yu e miti dan omstandigheden di e kenki, yu sa man taki nanga ala sortu fu sma èn fiti yu pristeri na a belanstelling fu den. Na sreka disi e tyari furu tron moro bigi prati fu tijdschrift èn moro prisiri.
6 POTI GI YU SREFI WAN PERSOONLIJK MARKI. Yu e memre yu kande taki den ben poti krakti tapu disi na ini na inlegvel „Tijdschrift e sori na pasi fu go na libi”, di ben kon ini Wi Kownukondredienst fu mei 1984. Kande yu wani feti a baka wan gemiddelde fu wan tijdschrift gi ibri yuru di yu e de ala mun ini na velddienst. Yu persoonlijk marki musu de wan reydelek marki, na san den omstandigheden fu yu èn na ten di yu kan gi na a velddienst e hori na prakseri.
7 Nanga yepi fu en organisâsi di sma ay kan si Yehovah e tan gi san wi abi fanowdu fu meki wi prati na a diniwroko kon moro bigi. Wi abi tumusi bun, moy tijdschrift fu wroko nanga den. Now wi eygi muyti, ini wroko makandra nanga den gemeenteseti fu prati tijdschrift, de fu si. Fu di so wan wroko e gi Yehovah glori, dan wi sa ondrofeni na dipi firi fu prisiri nanga san wan prati di kon moro bigi, na a diniwroko nanga tijdschrift e go makandra. — Yoh. 15:8.