Preiki nanga inzicht
1 Foe abi inzicht e aksi taki wi moesoe froestan wan sani foe den sma di wi e preiki gi. Foe san ede? Foe di a boen bakapisi foe wi foe doro na ati foe sma, e anga foe a man di wi man foe pristeri a Kownoekondre boskopoe tapoe wan fasi di e hari den prakseri. Na ini a moen januari wi sa pristeri difrenti bijbelstudie boekoe di kande de foe kisi ete ini a gemeente. Noso, den preikiman sa gebroiki a boekoe Ware vrede en zekerheid — Hoe kunt u die vinden? (Troe vrede nanga seikerfasi — Fa joe kan feni en?) Kande den rai di e kon now kan jepi joe.
2 Efoe joe froekisi foe pristeri a boekoe „Ware vrede en zekerheid — Hoe kunt u die vinden?”, joe ben kan sori go na a prenki tapoe bladzijde 4 èn taki:
◼ „A prenki disi e sori san bijbel e leri foe a prakseri foe Gado gi grontapoe. San joe e denki taki a e aksi foe joe nanga joe oso-famiri foe libi na ini wan paradijs na grontapoe? [Gi okasi foe piki.] Bijbel e sori taki troe vrede nanga seikerfasi no so langa moro sa de wan troe sani tapoe heri grontapoe èn taki a paradijs sa kon boen baka. [Leisi Psalm 37:10, 11.] A boekoe disi kan sori joe san joe moesoe doe foe njan boen foe san Gado sa doe. Mi ben sa wani foe libi na eksemplaar disi na baka gi joe.” Efoe na ososma taki a boen, joe kan pristeri a boekoe.
3 Te joe e gebroiki a boekoe „Een gelukkig gezinsleven opbouwen” (Bow wan kolokoe osofamiri libi), dan joe ben sa kan taki so wan sani:
◼ „Joe ben sa agri taki osofamiri na ini a ten disi abi foe doe nanga tjalensi di sma foe fosi no ben sabi? [Gi okasi foe piki.] Foe san ede joe e denki taki disi e pasa? [Sori taki joe froestan a piki foe na ososma. Drai go na 2 Timoteus 3:1-3 èn leisi en.] Den wortoe „trangajesi papa nanga mama” èn „no sa abi natuurlijk firi foe lobi”, e taki soifri fa foeroe sma de na ini a ten foe wi. Tokoe, a srefi Gado di ben taki foe den problema disi na fesi, so srefi ben gi wi boen markitiki fa foe meki osofamiri kon moro krosibei na makandra.” Leisi a paragraaf foe „De uitgevers” (Den sma di tjari en kon na doro) tapoe bladzijde 2. Dan pristeri foe libi a boekoe na baka.
4 Wan tra fasi di joe ben sa kan gebroiki nanga a boekoe „Ware vrede en zekerheid — Hoe kunt u die vinden?”, e bigin nanga na aksi disi:
◼ „Foeroe sma na ini a ten disi e bribi taki Gado no abi troetroe belangstelling gi wi libisma na grontapoe èn taki a no sa doe noti nanga den problema di de djaso. Na so joe e denki? [Gi okasi foe piki.] Meki mi leisi gi joe san a jepisani disi foe bijbel abi foe taki foe a prakseri foe Gado gi libisma nanga grontapoe. [Leisi paragraaf 1 èn a fosi lin foe paragraaf 2 tapoe bladzijde 43.] Mi e gi joe a djaranti taki wan boen reide de foe a gi di Gado e gi pasi foe den problema di de na grontapoe. Efoe joe ben sa wani sabi san na a reide, grantangi, leisi a boekoe disi di abi a nen ’Ware vrede en zekerheid — Hoe kunt u die vinden?’” Efoe na ososma taki a boen, joe kan pristeri a boekoe.
5 Efoe joe ben sa wani foe abi wan sjatoe pristeri nanga a boekoe „Wereldomvattende zekerheid onder de ’Vredevorst’” (Seikerfasi na heri grontapoe ondro a „Kownoe foe Vrede”), joe ben kan opo a boekoe na bladzijde 4 èn aksi:
◼ „San sa pasa nanga grontapoe? Foeroe sma e aksi den srefi a sani disi. Joe denki taki a sa tron wan paradijs oiti?” Sori taki joe froestan a piki foe na ososma èn leisi baka dati den sani di skrifi na a biginwortoe tapoe bladzijde 2. Pristeri foe libi a boekoe na baka.
6 Boen inzicht sa jepi wi foe man si a fanowdoe èn a belangstelling foe den sma di wi e miti. Odo 16:23 e gi wi a djaranti disi nanga den wortoe: „Na ati foe a koniwan e meki en mofo sori inzicht, èn na tapoe en mofoboeba a e poti a krakti foe overtoigi sma.”