Sani di wi moesoe hori na prakseri gi a Memrefesa

Den sani di e kon now wi moesoe hori na prakseri bifo a Memrefesa hori na tapoe toedewroko 2 april:

◼ Ala sma, so srefi a takiman, moesoe kisi foe sabi san na a soifri ten nanga presi pe a fesa o hori.

◼ A joisti sortoe brede nanga win moesoe de kaba èn moesoe de srekasreka. — Loekoe a Wachttoren foe 15 februari 1985, bladzijde 19.

◼ Wan boen tafra, wan tafradoekoe, preti, nanga grasi moesoe tjari kon na fesi ini a zaal èn moesoe poti na a joisti presi.

◼ Den sa sorgoe dati a Kownoekondre zaal noso wan tra konmakandra presi moesoe krin boen na fesi.

◼ Den owroeman moesoe teki den dienstverlener nanga den wan di sa prati den simbôl èn taigi den na fesi, foe den joisti fasi foe doe sani èn den frantiwortoe foe den.

◼ Sani moesoe sreka na fesi foe prati den simbôl gi iniwan memre foe a salfoe groepoe di siki èn di no man foe de drape.

◼ Te moro leki wan Memrefesa sa hori na ini a srefi Kownoekondre zaal, dan wan boen wrokomakandra moesoe de na mindri den gemeente foe no meki draidrai pasa foe soso na a mofodoro èn na a parkeerpresi.