Sani Di Wi Musu Hori na Prakseri gi a Memrefesa

A yari disi a Memrefesa e fadon na tapu sonde 8 april. Den owruman musu poti prakseri na den sani di e kon now:

◼ Te unu e bosroiti o lati a fesa o hori, dan sorgu taki a brede nanga a win prati baka sondongo.

◼ Ala sma, so srefi a takiman, musu sabi a yoisti ten nanga a yoisti presi pe a Memrefesa sa hori.

◼ Unu musu suku a yoisti sortu brede nanga win èn a musu de srekasreka.​—Luku A Waktitoren fu 15 februari 1985, bladzijde 10.

◼ Unu musu tyari preti, grasi èn wan bun tafra nanga wan tafraduku go na a zaal èn seti dati bifo a konmakandra e bigin.

◼ Langa ten na fesi a Kownukondre zaal noso a konmakandra presi di unu o gebroiki gi a Memrefesa, musu krin bun.

◼ Den owruman musu luku suma den o teki fu hori wakti èn suma den o teki fu prati a brede nanga a win. Unu musu sori den na fesi san den musu du èn fa den musu du den sani na wan yoisti fasi.

◼ Sani musu seti fu gi a brede nanga a win na iniwan fu den salfuwan di siki èn di no man de drape.

◼ Te moro leki wán gemeente sa gebroiki a srefi Kownukondre zaal, dan den gemeente musu wroko bun nanga makandra, so taki fesisei fu a zaal, a doromofo, a futupasi pe sma e waka èn a parkeerpresi no sa lai nanga sma di no man pasa go makriki pe den musu go.