Sani di wi moesoe hori na prakseri gi a Memrefesa

A jari disi a Memrefesa sa de fodewroko 1 april. Den owroeman moesoe poti prakseri na tapoe den sani di e kon now:

◼ Te oenoe e bosroiti sortoe ten a fesa o hori, dan sorgoe taki a brede nanga a win prati baka te son dongo fosi.

◼ Ala sma, so srefi a takiman, moesoe sabi a joisti ten nanga presi pe a Memrefesa sa hori.

◼ Oenoe moesoe soekoe a joisti sortoe brede nanga win èn a moesoe de srekasreka.​—Loekoe A Waktitoren foe 15 februari 1985, bladzijde 10.

◼ Oenoe moesoe tjari preti, grasi nanga wan boen tafra nanga tafradoekoe, go na a zaal èn poti den na a joisti presi fosi a konmakandra e bigin.

◼ Langa ten na fesi oenoe moesoe krin a Kownoekondre zaal noso wan tra konmakandra presi boen.

◼ Den owroeman moesoe loekoe soema den o teki leki dienst-jepiman nanga sma di o prati a brede nanga a win èn oenoe moesoe sori den na fesi san na den frantiwortoe foe den èn san na a joisti fasi foe doe sani.

◼ Sani moesoe sreka foe gi a brede nanga a win na iniwan foe den salfoewan di siki èn di no man foe de drape.

◼ Te moro leki wán gemeente sa gebroiki a srefi Kownoekondre zaal, dan wan boen wrokomakandra moesoe de na mindri den gemeente, so taki sma no lai foe soso na fesisei foe a zaal, na a doromofo, na tapoe a foetoepasi pe sma e waka èn na a parkeerpresi.