Sani di wi musu hori na prakseri gi a Memrefesa

A yari disi a Memrefesa sa hori tapu fodewroko 28 maart. A bun efu den owruman poti prakseri na den sani di e kon now:

◼ Te unu e bosroiti o lati a Memrefesa o hori, dan sorgu taki a brede nanga a win prati baka te son dongo.

◼ Ala sma, sosrefi a takiman, musu sabi soifri o lati èn pe a Memrefesa sa hori.

◼ Sorgu taki unu seti sani na fesi fu suku a yoisti sortu brede nanga win so taki unu de srekasreka.—Luku De Wachttoren fu 15 februari 1985, bladzijde 19.

◼ Na fesi kaba unu musu tyari preti, grasi èn wan bun tafra nanga wan tafraduku go na a konmakandra-presi èn seti ala sani bifo a konmakandra e bigin.

◼ Sani musu seti fu krin a Kownukondre konmakandra-presi na fesi, noso a tra presi pe unu o hori a Memrefesa. A presi musu krin bun.

◼ Den owruman musu luku suma den o teki fu dini leki zaal-waktiman èn suma den o teki fu prati a brede nanga a win. Den musu sori den brada disi na fesi san den musu du èn fa den musu du en. Sori den taki a de fanowdu fu sorgu den skin bun èn fu weri krosi di fiti na okasi dati.

◼ Sani musu seti fu tyari a brede nanga a win go na iniwan fu den salfuwan di siki èn di no man kon na a Memrefesa.

◼ Te moro leki wán gemeente sa gebroiki a srefi Kownukondre konmakandra-presi, dan den gemeente musu taki na fesi fa den o seti sani, so taki bruya no de te sma e suku fu go na ini a konmakandra-presi, aladi trawan e suku fu komoto. Sani musu seti bun tu fu no meki bruya de na sei strati fesi a konmakandra-presi, pe sma e waka pasa èn na den presi pe den e poti wagi.