Sani di wi musu hori na prakseri na a Memrefesa

A yari disi a Memrefesa sa hori tapu fodewroko 24 maart. Den owruman musu poti prakseri na den sani di e kon now:

◼ Te unu e bosroiti o lati a Memrefesa o hori, dan sorgu taki a brede nanga a win prati baka te son dongo.

◼ Ala sma, sosrefi a takiman, musu sabi soifri o lati èn pe a Memrefesa sa hori.

◼ Sorgu taki unu abi a yoisti sortu brede nanga win so taki unu de srekasreka.​—Luku A Waktitoren fu 15 februari 2003, bladzijde 14, 15.

◼ Preti, grasi, wan bun tafra nanga wan tafraduku musu tyari kon na a zaal èn den musu seti bifo a konmakandra e bigin.

◼ Wan moi pisi ten na fesi sani musu seti fu krin a Kownukondre zaal noso tra presi pe a Memrefesa sa hori.

◼ Den owruman musu luku suma den o teki fu dini leki zaal-waktiman èn suma den o teki fu prati a brede nanga a win. Den musu sori den brada disi na fesi san den musu du èn fa den musu du en. Sori den taki a de fanowdu taki ala sani na den skin musu luku bun èn taki den weri krosi di fiti na okasi dati.

◼ Sani musu seti fu tyari a brede nanga a win go na iniwan fu den salfuwan di siki èn di no man kon na a Memrefesa.

◼ Te moro leki wán gemeente sa gebroiki a srefi Kownukondre zaal, dan den gemeente musu taki na fesi fa den o seti sani, so taki bruya no de te sma e suku fu go na ini a Kownukondre zaal, aladi trawan e suku fu komoto. Sani musu seti bun tu fu no meki bruya pasa na sei strati na fesi a Kownukondre zaal, na presi pe sma e waka pasa èn na presi pe sma e poti den wagi.