Sani di wi musu hori na prakseri gi a Memrefesa

A yari disi a Memrefesa sa hori tapu munde 2 april. Den owruman musu poti prakseri na den sani di e kon now:

◼ Te unu e bosroiti o lati a Memrefesa o hori, dan sorgu taki a brede nanga a win prati baka te son dongo.

◼ Ala sma, sosrefi a takiman, musu sabi soifri o lati èn pe a Memrefesa sa hori.

◼ Sorgu taki unu abi a yoisti sortu brede nanga win èn sreka den gi na okasi.—Luku A Waktitoren fu 15 februari 2003, bladzijde 14, 15.

◼ Na fesi un musu tyari preti, grasi, wan bun tafra nanga wan tafraduku go na a zaal èn un musu seti den bifo a konmakandra bigin.

◼ Wan moi pisi ten na fesi un musu krin a Kownukondre zaal noso tra presi pe a Memrefesa sa hori.

◼ Den owruman musu luku suma den o teki fu dini leki zaal-waktiman èn suma den o teki fu prati a brede nanga a win. Den musu sori den brada disi na fesi san den musu du èn fa den musu du en. Den brada musu sabi taki den musu sorgu den skin nanga ede-wiwiri bun èn taki den musu weri krosi di fiti na okasi dati.

◼ Un musu seti sani fu tyari a brede nanga a win go na iniwan fu den salfuwan di siki èn di no man kon na a Memrefesa.

◼ Te moro leki wán gemeente sa gebroiki a srefi Kownukondre zaal, dan den gemeente musu taki na fesi fa den o seti sani, so taki bruya no de te sma e suku fu go na ini a Kownukondre zaal, aladi trawan e suku fu komoto. Den musu seti sani bun tu fu no meki bruya pasa na seipasi pe sma e waka èn na presi pe sma e poti den wagi.