Aksi boksoe

◼ San moesoe doe te wan poebliki takiman di abi wan toewijzing, no doro biten na a konmakandra?

Son tron, situwâsi di wan brada no man wai pasi gi, kan tapoe en foe doro biten foe gi a lezing foe en di de tapoe schema. Efoe reide de foe bribi taki a sa doro djonsro, dan den owroeman kan bosroiti foe bigin nanga a Waktitoren-studie; a Poeblikitaki kan bigin na baka dati. Fa a de te a gersi srefisrefi taki a takiman no sa doro? Kande wan foe den takiman foe a gemeente kan gi iniwan lezing di a sreka kaba.

Te sani sreka heri boen na fesi, dan dati kan tapoe a problema disi. A brada di e sreka sani gi den poeblikitaki moesoe meki kontakti nanga ibri takiman, no moro lati leki wán wiki na fesi, foe memre en gi a toewijzing foe en. A sani di a moesoe memre en, moesoe de a ten foe a konmakandra, na adres foe a Kownoekondre zaal èn a telefon nomroe, èn krinkrin bodoi fa a kan feni a zaal. A takiman moesoe skrifi den finifinitori disi soifri. A moesoe si a toewijzing leki wan serjoesoe sani, èn a moesoe tjari kenki kon di de fanowdoe na ini den persoonlijk afersi foe en, so taki a kan tjari a frantiwortoe foe en. Efoe wan sani de di a no man wai pasi gi èn di sa tapoe en foe tjari en frantiwortoe, dan wantewante a moesoe meki kontakti nanga a brada di e sreka sani gi a poeblikitaki, so taki a brada kan sreka sani so taki wan tra brada kan teki a presi. Ibri moeiti moesoe doe foe no taki na a lasti momenti taki joe no man doro. Efoe wan sani hori a takiman èn a sa de wan toe miniti lati, dan a kan sreka sani foe bèl a Kownoekondre zaal so taki den brada kan sabi fa den sa go doro.

A warderi di wan sma abi gi den toewijzing foe hori poeblikitaki, a sreka di a sa sreka boen na fesi èn a memre di den sa memre a takiman na wan boen fasi, èn wan boen tiri, kan sorgoe taki a gemeente sa man njan boen ibri wiki foe poeblikitaki di abi winimarki.