„Wan ten sa kon pe ala sma sa lobi makandra?”
1 Wan moi, fajafaja, èn switi boskopoe sa meki bekènti na heri grontapoe na ini 169 tongo. San na a boskopoe disi? Èn fa a sa meki bekènti?
2 A boskopoe abi foe doe nanga a lobi di sma moesoe lobi den sma na den sei. A de foe feni na ini a Kownoekondre njoensoe nr. 35, di abi leki thema „Wan ten sa kon pe ala sma sa lobi makandra?” A Kownoekondre njoensoe disi e ondrosoekoe sjatoe a situwâsi di de nownowde na heri grontapoe, èn a e sori taki a abi di sma no abi lobi gi makandra de a roetoe gi someni sari nanga pen. A e froeklari foe san ede, spesroetoe na ini a ten foe wi, a lobi di sma moesoe abi gi makandra kon kowroe èn san disi wani taki gi a ten di e kon.
3 Na tapoe foe dati, Kownoekondre njoensoe nr. 35 e sori taki troetroe lobi di sma e sori gi sma na den sei, de na mindri miljoenmiljoen sma di e libi na ini a grontapoe foe tide. A e sori soema na den sma di ben gi na owroe krestendom libi baka—na anbegi foe a fosi-jarihondro, di ben abi leki marki a lobi di den ben sori gi den sma na den sei soleki fa Jesus Krestes ben leri dati.—Lukas 10:25-37.
4 Kownoekondre njoensoe nr. 35 e tapoe nanga wan froeklari foe sori fa a heri grontapoe foe libisma heri esi sa abi lobi gi den sma na den sei, na ondro a tiri foe Gado Kownoekondre nanga jepi foe Krestes. Den sma di e leisi a boskopoe disi e kisi a deki-ati foe teki a brochure San Gado e aksi foe wi? èn foe leri fa foe tron wan pisi foe a lobi-ati seti disi di de na heri grontapoe èn di skrifi finifini na ini Gado Wortoe.
5 Soema sa tjari a boskopoe disi? Jehovah Kotoigi na heri grontapoe sa prati a boskopoe disi foe a sori di sma moesoe sori lobi gi den sma na den sei, gi den sma di den sabi boen, gi birtisma nanga famiriman, na ini den moen oktober nanga november. Ala sma di doro a marki foe doe dati e kisi a deki-ati foe prati a Kownoekondre njoensoe nr. 35 gi a poebliki.
6 A troetroe marki foe a wroko disi na foe wiki a belangstelling foe sma gi wan bijbelstudie na ini a San Gado e aksi-brochure noso na ini a Sabi-boekoe. Boiti dati, te ibri foetoeboi foe Jehovah sa doe moeiti nanga en heri ati, dan dati sa meki taki wan bigi kotoigi sa gi foe a Gado foe lobi, Jehovah, èn foe en Manpikin, Jesus Krestes.