Pristeri a Kolokoe osofamiri-boekoe na sma foe ala libimarki
1 Wan boi di abi 11 jari ben taki omeni a ben warderi a boekoe A sroto gi wan kolokoe osofamiri. A ben skrifi: Mi breiti nanga a boekoe, èn mi e gi tra osofamiri deki-ati foe leisi en foe di a boen kefalek. A e jepi mi famiri . . . foe feni vrede nanga kolokoe na wi oso.” Na ondrofenitori foe a jongoe pikin disi, moesoe gi wi deki-ati foe pristeri a Kolokoe osofamiri-boekoe na sma foe ala libimarki. Djaso wan toe idea de di joe wani gebroiki kande na ini joe diniwroko na ini februari.
2 Te joe e miti wan jongoe sma, joe ben sa kan taki:
◼ „Foeroe speri foe joe e denki foe trow. Pe joe kan leri moro foe a tori disi, èn froetrow en? [Gi okasi foe piki.] Foeroetron jongoe sma e taki dati den no sabi efoe den de klariklari foe trow. Meki mi sori joe san a boekoe disi e taki foe a tori.” Go na bladzijde 14 na ini a Kolokoe osofamiri-boekoe, èn leisi paragraaf 3. Dan sori en ibri ondro-edeprakseri foe a kapitel. pristeri a boekoe, èn seti sani foe go baka.
3 Te joe e taki nanga wan papa noso wan mama, joe ben kan taki:
◼ „Wi e sori papa nanga mama wan toe praktis tirilin di e wroko troetroe te joe e kweki pikin. Den poti makandra na ini a boekoe disi A sroto gi wan kolokoe osofamiri.” Go na bladzijde 55. Leisi paragraaf 10, èn so srefi Deuteronomium 6:6, 7 na ini paragraaf 11. Dan sori a sma den lin di skrifi skoinsi na ini paragraaf 12 te go miti 16. Go doro èn taki: „A boekoe disi jepi foeroe papa nanga mama foe kisi moro boen bakapisi. Efoe joe ben sa wani leisi en, dan mi wani gi joe na eksemplaar disi.”
4 Te joe e taki nanga wan owroe sma, dan joe ben sa kan taki:
◼ „Te mi kaba leisi den toe wortoe disi, dan grantangi taigi mi san joe e denki.” Opo bladzijde 169 foe a Kolokoe osofamiri-boekoe èn leisi den fosi toe lin foe paragraaf 17. Dan aksi a sma foe gi piki. A e anga foe a piki di a sma e gi, efoe joe sa go moro fara foe leisi moro sani foe a boekoe, bifo joe e pristeri en.
5 Te joe e go baka na sma pe joe ben libi wan Kolokoe osofamiri-boekoe, dan hori na prakseri foe bigin wan bijbelstudie. Lès 8 foe a San Gado e aksi-brochure noso kapitel 15 foe a Sabi-boekoe kan de wan boen fasi foe bigin. Na a srefi ten, meki wi doe moeiti foe jepi sma foe ala libimarki foe bow wan kolokoe kresten osofamiri libi.