O Bun Yu E Nyan na Yeye Fasi?
1 Sma gwenti fu taki dati ’na fa yu e nyan, na so yu gosontu o tan’. Iya, a fasi fa wi gwenti fu nyan, e bepaal omeni krakti wi abi èn o gosontu wi de. Yesus ben taki: „Libisma no musu libi fu brede wawan, ma fu ibri wortu di e kon fu Yehovah en mofo.” So bun, na a srefi fasi den sani di wi e nyan na yeye fasi, e meki taki sani e waka bun noso taki sani no e go bun nanga wi (Mat. 4:4). We, o bun yu e nyan na yeye fasi dan? Yu e pikipiki soso den sani puru di yu lobi nyan? Yu e nyan gawgaw sondro fu kaw bun? Noso yu e feni en wan switi sani fu teki ten fu nyan bun doronomo fu bun yeye nyanyan?
2 Ondrosuku San Yu E Nyan: Nanga yepi fu a „getrow èn koni srafu” Yehovah e gi wi „nyanyan na a reti ten” èn so srefi „wan fesa-nyanyan fu nyanyan di abi nofo fatu” (Mat. 24:45; Yes. 25:6). Fu kan kisi wini dorodoro fu den lobi-ati seti disi, dan wi musu meki muiti fu nyan bun na yeye fasi.
3 Kande yu sa aksi yusrefi: ’Mi e leisi a deitekst nanga a komentaar ibri dei? Mi e leisi Bijbel ibri dei èn mi e denki dipi fu san mi e leisi? Mi e sreka misrefi gi den gemeente konmakandra fu di mi e studeri na fesi? Mi leisi den moro nyun publikâsi kaba, so srefi A Profeititori fu Yesaya—Leti gi a Heri Libisma Famiri I.
4 Yesus ben pramisi: „Koloku fu den sma di sabi den nowtu na yeye fasi . . . Koloku fu den wan di angri èn e dreiwatra fu regtfardikifasi, bika den bere sa kon furu” (Mat. 5:3, 6). So bun, nyan bun na yeye fasi fu di yu e furu yu frustan nanga yu ati nanga a sabi fu Gado.