Sani di yu kan fruteri fu den tijdschrift

A Waktitoren 15 feb.

„Oiti yu aksi yusrefi san na a moro bun fasi fu seti yu libi èn fa yu kan teki bun bosroiti? [Gi a sma na okasi fu piki.] Yu sabi, Bijbel e gi wi wan tu fu den moro bun markitiki di de. Wan fu den na fu libi nanga trawan leki fa yu wani den fu libi nanga yu. [Leisi Mateyus 7:12.] Ma sortu tra gronprakseri fu Gado de, di kan tyari winimarki gi wi? A piki dati yu o feni na ini a tijdschrift disi.”

Ontwaakt! 22 feb.

„Furu wrokope na ini a ten disi na presi pe wrokoman kan kisi mankeri esi-esi. Kande yusrefi kon si dati tu. A tijdschrift disi e fruteri san wi kan du fu meki wi wrokope tron wan presi pe sma no abi fu kisi mankeri. A e sori tu taki sani sa waka bun gi wi te wi abi wan yoisti denki fu a wroko di wi e du. Mi wan gi yu deki-ati fu leisi en.”

A Waktitoren 1 mrt.

„Furu sani e pasa na grontapu nownow di e meki taki furu fu wi e aksi wisrefi fa a libi o de na ini a ten di e kon. Na ini a barinen begi fu en, Yesus Krestes ben tyari kon na krin fu san ede wi kan abi a frutrow taki a ten di e kon sa de wan bun ten. [Leisi Mateyus 6:9, 10.] Den fowtu di libisma e meki nownow na fowtu di trawan ben meki kaba, langa ten pasa. Ma den sma di ben e dini Gado na ini a ten dati, ben abi wan koloku tamara. A tijdschrift disi o sori yu fa wi srefi kan abi wan koloku tamara.”

Ontwaakt! 8 mrt.

„Bijbel e leri wi taki a prenspari dati wan sma e kisi bun leri. [Leisi Odo 2:10, 11.] Furu sma sabi o prenspari a de taki den pikin fu den kisi leri fu skoromeester noso skoromisi di sabi den wroko bun. Ontwaakt! e sori o prenspari a wroko de fu den sma di e gi leri na skoro. A e taki tu fa wi kan sori warderi gi a tranga wroko di den e du èn san papa nanga mama kan du fu yepi den fu tyari a hebi frantwortu dati.”