Sani di yu kan fruteri fu den tijdschrift

A Waktitoren 15 yun.

„Yu prakseri taki oiti wi sa si taki den problema disi no de moro? [Leisi a prakseri di skrifi na a bigin fu a fosi artikel, èn gi a sma na okasi fu piki.] A Wortu fu Gado di skrifi nanga yepi fu santa yeye e gi wi a dyaranti baka taki heri esi den problema dati sa kon na wan kaba. [Leisi Psalm 72:12-14.] A Waktitoren disi e tyari kon na krin fa dati o pasa.”

Ontwaakt! 22 yun.

„Yu prakseri taki oiti ala sma na grontapu sa de fri trutru? [Gi a sma na okasi fu piki.] Luku a moi pramisi disi fu Gado. [Leisi Romesma 8:21.] Ala sortu fasi fu katibo musu kon na wan kaba, fosi a pramisi dati kan kon tru, a no so? Na Ontwaakt! disi e sori fa dati sa pasa.”

A Waktitoren 1 yul.

„Milyunmilyun sma e gebroiki popki noso prenki fu anbegi den gado fu den, aladi milyunmilyun tra sma e prakseri taki a de wan fowtu sani fu du dati. Oiti yu aksi yusrefi san Gado e prakseri fu a sani disi? [Gi a sma na okasi fu piki. Baka dati, leisi Yohanes 4:24.] Den artikel disi e sori pe sma komoto nanga a gwenti fu gebroiki prenki, èn den e sori san Bijbel e taki fu na anbegi fu popki.”

Ontwaakt! 8 yul.

„Profeititori ini Bijbel ben taki dati ini den lasti dei muilek ten ben o kon. [Leisi 2 Timoteyus 3:1, 3.] A fasi fa ogridu e kon moro furu na heri grontapu e buweisi taki den profeititori disi e kon tru. Efu skowtu no ben de, dan a situwâsi ben o de moro takru srefisrefi! Na Ontwaakt! disi e taki fu den tyalensi di skowtu e ondrofeni na heri grontapu.”