Sani di yu kan fruteri fu den tijdschrift

A Waktitoren 15 mrt.

„Yu e denki taki den leri di Yesus ben gi, na sani di e wroko na ini a ten fu wi? [Gi a sma na okasi fu piki.] A no de fu taki dati yu e agri nanga a komando disi di Yesus ben gi na a lasti dei fu en libi. [Leisi Yohanes 15:12.] Na a dei dati Yesus gi tra sortu bun leri. A Waktitoren disi e sori sortu wini wi kan kisi fu den sani disi.”

Ontwaakt! 22 mrt.

„Yu e si taki furu sma na ini a ten disi e feni en muilek fu sribi nofo? [Gi a sma na okasi fu piki]. Wan sani di kan meki taki den no e sribi nofo, na te den e frede noso te den e broko den ede nanga sani. [Leisi Preikiman 5:12]. A tijdschrift disi e ondrosuku wan tu fasi fu san ede sma no man sribi nofo, èn a e sori san wi kan du fu sribi moro bun.”

A Waktitoren 1 apr.

„A prenki dyaso e sori a nyanyan di sma sabi leki na Avondmaal. [Sori a sma fesisei nanga bakasei fu a tijdschrift.] Yu ben sabi taki disi na a wan-enkri sani di Kresten kisi leki komando fu memre? [Gi a sma na okasi fu piki. Leisi baka dati Lukas 22:19.] A tijdschrift disi e tyari kon na krin fu san ede a de so prenspari fu memre a sani disi èn sortu krakti a abi tapu yu.”

Ontwaakt! 8 apr.

„A no de wan sari sani taki furu yongu sma e pori den libi fu di den e gebroiki drugs? [Gi a sma na okasi fu piki.] Furu tron problema e bigin kon te yonguwan abi demakandra nanga sma di ogri. [Leisi 1 Korentesma 15:33.] Na Ontwaakt! disi e ondrosuku fu san ede yongu sma e bigin gebroiki drugs èn san papa nanga mama kan du fu kibri den.”