Sani di yu kan fruteri fu den tijdschrift

A Waktitoren 15 okt.

„Furu bosroiti di wi musu teki, abi furu krakti tapu wi libi. San kan yepi wi fu no teki don bosroiti? [Gi a sma na okasi fu piki. Leisi baka dati Odo 3:6.] A Waktitoren disi e sori feifi Bijbel tirilin di kan yepi wi fu teki koni bosroiti.”

Ontwaakt! 22 okt.

„Moro nanga moro wi e yere taki son dresi no man kiri den takru bakteria na ini wi skin, a no so? [Gi a sma na okasi fu piki.] A tijdschrift disi e ondrosuku fu san ede disi e pasa èn a e sori san wi kan du fu kibri wisrefi gi den takru bakteria disi. Boiti dati, a e taki fu a pramisi na ini Bijbel di e taki fu wan grontapu pe nowan sma sa siki.” Leisi Yesaya 33:24.

A Waktitoren 1 nov.

„Wi alamala ondrofeni en wan leisi kaba taki wan sma du wan sani di meki taki wi lasi a frutrow di wi ben abi na ini en. Oiti yu aksi yusrefi efu wan sma de di yu kan frutrow trutru? [Gi a sma na okasi fu piki. Leisi baka dati Odo 3:5.] A tijdschrift disi e fruteri fu san ede wi kan frutrow dorodoro tapu Gado. Boiti dati, a e sori finifini fa wi kan kon sabi sortu sma wi kan frutrow trutru.”

Ontwaakt! 8 nov.

„Pikin moro ala sani di wi e gebroiki na ini wi libi abi fu du nanga sani di meki fu blaka oli di teki puru fu gron. Oiti yu aksi yusrefi fa a ben o de efu wi no ben o abi den sani disi? [Gi a sma na okasi fu piki.] A tijdschrift disi e sori fa a du kon taki oli de so wan prenspari sani na ini a ten disi. A e taki sosrefi fu san ede wi no abi fu frede taki wan dei ala oli o kaba.”