Sani di yu kan fruteri fu den tijdschrift

A Waktitoren 15 okt.

„Furu sma e denki taki skoroleri na a moro prenspari sani di kan meki wi abi wan bun libi. Yu denki taki wan spesrutu leri de di kan yepi wi fu tron wan moro bun sma? Wan leri de di kan yepi wi te den problema fu a libi e miti wi? [Gi a sma na okasi fu piki. Baka dati, leisi Romesma 12:2.] A tijdschrift disi e sori fa wi kan kisi wini fu a moro bun leri di de fu kisi.”

Ontwaakt! 22 okt.

„Furu sma lobi fu leisi koranti pikinmoro ibri dei. A de so taki ala ten wi musu bribi den sani di skrifi na ini koranti? [Gi a sma na okasi fu piki.] Na Ontwaakt! disi e sori fa wan sma kan kisi wini fu a leisi di a e leisi koranti. A e sori sosrefi fu san ede wi musu luku bun nanga son sani di skrifi na ini koranti.” Leisi Odo 14:15.

A Waktitoren 1 nov.

„Furu sma e broko den ede te den e si taki a grontapu no prati nanga leti. Yu denki taki wan sma kan tyari wan trutru kenki kon na a fasi fa sani e waka na grontapu? [Gi a sma na okasi fu piki.] A tijdschrift disi e taki fu den sani di e meki taki a kenki disi no man pasa. A e sori tu suma sa tyari a kenki disi kon èn fa a sma dati o meki grontapu tron wan presi pe vrede de èn pe sma abi a dyaranti taki sani sa waka bun gi den.” Leisi Psalm 72:12-14.

Ontwaakt! 8 nov.

„Na heri grontapu wan bigi difrenti de na mindri gudusma nanga pôtisma. Yu denki taki a sani disi o kenki? [Gi a sma na okasi fu piki. Baka dati, leisi Mateyus 6:9, 10.] A tijdschrift disi e sori fu san ede wi kan abi a dyaranti taki a Kownukondre fu Gado sa tyari wan kaba kon na a bigi difrenti di de na ini a libimakandra na ini a ten disi.”