Sani di yu kan fruteri fu den tijdschrift

A Waktitoren 15 okt.

„Fa yu ben o fruteri pikin-nengre noso trawan fu san ede someni ogri e pasa now? [Gi a sma na okasi fu piki.] A piki fu na aksi: ’Suma de frantwortu gi ala ogridu?’ de fu feni na ini Bijbel [Leisi 1 Yohanes 5:19.] A Waktitoren disi sa yepi yu fu kon frustan suma na a ogrisma disi èn fa wi kan kakafutu gi en.”

Ontwaakt! 22 okt.

„Yu denki taki, a begi fu den kerki fesiman noso iniwan tra sma kan tyari vrede kon na heri grontapu? [Gi a sma na okasi fu piki.] A Bijbel e pramisi wan ten taki vrede sa de na heri grontapu. [Leisi Yesaya 9: 6, 7.] Yu si taki wan spesrutu tiriman sa man tyari vrede kon na heri grontapu? Na Ontwaakt! disi e sori suma na a tiriman disi èn fa a sa tyari trutru vrede kon.”

A Waktitoren 1 nov.

„Furu fu wi e pruberi fu abi wan matifasi nanga trawan sondro fu kisi trobi nanga den. Ma yu sa agri taki furu tron a sani disi no de so makriki fu du. [Gi a sma na okasi fu piki.] A Bijbel e fruklari fu san ede disi de so. [Leisi Yakobus 3:2.] Na artikel disi e sori taki a de prenspari fu aksi pardon, so taki sma kan kon bun baka nanga makandra èn kan tan abi wan bun matifasi.”

Ontwaakt! 8 nov.

„Profeititori fu Bijbel e sori wi dati wan ten sa kon pe nowan sma sa taki: ’Mi siki.’ [Leisi Yesaya 33:24.] Dati no ben o de wan moi sani? [Gi a sma na okasi fu piki.] Ma na ini a ten disi a libisma famiri abi fu du nanga furu sortu siki, soleki a siki AIDS di panya na ala sei. Na Ontwaakt! disi e sori taki, wan ten sa de dati AIDS no sa de moro.”