Sani di yu kan fruteri fu den tijdschrift

A Waktitoren 15 nov.

„Fosi, furu sma ben e bribi taki wan dei grontapu ben o tron wan paradijs. Na ini a ten disi, son sma e aksi densrefi efu grontapu o de srefi. San yu e denki o pasa nanga grontapu na ini a ten di e kon? [Gi a sma na okasi fu piki.] Luku san Bijbel e taki fu a sani disi. [Leisi Psalm 37:11.] A tijdschrift disi e taki moro fara san Bijbel e taki na fesi fu grontapu.”

Ontwaakt! 22 nov.

„Son sma e broko den ede taki a naturu pori so te, dati a no sa man meki kon bun baka. Yu denki taki nowan yepi no de? [Gi a sma na okasi fu piki.] A Mekiman no ben meki grontapu fu tron wan doti ipi pe sma no man libi. [Leisi Yesaya 45:18.] A tijdschrift disi e fruteri fa grontapu sa meki kon bun baka.”

A Waktitoren 1 dec.

„Son sma na ini a ten disi no e bribi moro na ini Gado. Wan reide fu san ede disi de so, na fu di den no man kisi bun piki tapu aksi di e gi den broko-ede. Aksi soleki den wan disi. [Gi wan eksempre fu wan fu den aksi di skrifi na ini a faki na tapu bladzijde 6.] A Waktitoren disi e sori wan prenspari sani fa fu kon kisi trutru bribi na ini Gado.” Leisi Filipisma 1:9.

Ontwaakt! 8 dec.

„Yu denki taki libisma famiri oiti sa libi na a fasi disi, soleki fa a skrifi dyaso? [Leisi Yesaya 14:7. Gi a sma na okasi fu piki.] A tijdschrift disi e gi moi rai di kan yepi wi aladi wi e wakti a kontru fu den pramisi fu Gado.” Luku na artikel „Fa yu kan kakafutu gi takru lostu?”