Sani di yu kan fruteri fu den tijdschrift

A Waktitoren 15 nov.

„Furu sma wani de gosontu èn den wani libi langa. Ma yu ben sa wani libi fu têgo efu dati ben o man trutru? [Gi a sma na okasi fu piki. Baka dati, leisi Yohanes 17:3.] A tijdschrift disi e taki fu a pramisi na ini Bijbel di e taki dati libisma man libi fu têgo. A e sori sosrefi fa a libi o de te a pramisi dati kon tru.”

Ontwaakt! 22 nov.

„Na ini den 20 yari di pasa, sma kon sabi moro fu a siki AIDS èn sosrefi sortu dresi sma musu gebroiki gi a siki disi. Ma toku, furu sma no sabi ala sani soifri. [Sori a sma a faki ’Misvattingen over aids’, èn gi en na okasi fu taki wan sani.] A tijdschrift disi e taki fa papa nanga mama kan kibri den pikin fu den gi a siki disi.” Leisi Deuteronomium 6:6, 7.

A Waktitoren 1 dec.

„Wan sani di e meki taki libisma de tra fasi leki meti, na taki libisma man sabi san bun èn san ogri. A de wan sari sani taki furu sma e du san ogri. Fu san ede yu denki taki dati de so? [Gi a sma na okasi fu piki. Baka dati, leisi Yeremia 17:9, noso Openbaring 12:9.] A tijdschrift disi e sori san kan yepi wi fu sabi èn fu du san bun.”

Ontwaakt! 8 dec.

„Dei fu dei sabidensi e kon nanga moro nyun wrokosani, ma toku wan sani e tan a srefi, èn dati na taki libisma abi mati fanowdu. Ma yu si taki den kenki na ini a libimakandra kan meki taki a muilek na ini a ten disi fu kon kisi wan bun matifasi nanga trawan? [Gi a sma na okasi fu piki. Baka dati, leisi Odo 18:24.] A tijdschrift disi e sori fa wi kan feni trutru mati èn fa wi kan tan abi wan bun matifasi nanga den.”