Sani di yu kan fruteri fu den tijdschrift

A Waktitoren 15 dec.

„Na a pisi ten disi fu a yari, dan furu sma e prakseri fu a ten di Yesus gebore. Oiti yu aksi yusrefi fa na osofamiri fu en ben de na ini san a gro kon bigi? [Gi a sma na okasi fu piki. Leisi baka dati Lukas 2:51, 52.] A Waktitoren disi e taki fu den moi tori di wi kan leisi na ini Bijbel di e sori wi sortu kweki Yesus ben kisi.”

Ontwaakt! 22 dec.

„Wi alamala wani fu si taki den pikin fu wi abi wan koloku èn bun libi. San yu e denki de a moro prenspari sani di pikin abi fanowdu fu man kakafutu gi a druk fu a bruya grontapu disi? [Gi a sma na okasi fu piki. Leisi baka dati Odo 22:6.] Na Ontwaakt! disi e sori san pikin abi fanowdu èn a e sori fa papa nanga mama kan sorgu gi den sani di den pikin abi fanowdu.”

A Waktitoren 1 yan.

„Furu sma e angri taki vrede de na grontapu. Yu denki taki oiti den wortu disi sa kon tru? [Leisi Psalm 46:9. Gi a sma na okasi fu piki.] A Waktitoren disi e sori fa disi sa kon tru èn a e sori fu san ede wi kan frutrow a pramisi fu Gado taki feti no sa de moro na grontapu.”

Ontwaakt! 8 yan.

„Na heri grontapu, milyunmilyun sma abi wan problema nanga a fasi fa den e firi fu di a firi dati e kenki ibri tron baka. Fu dati ede siki de, soleki a siki taki sma e firi brokosaka, nanga a siki di sma e kari bipolaire stoornis. A Mekiman fu wi e broko en ede trutru nanga den sortu sma disi. [Leisi Psalm 34:18.] A tijdschrift disi e sori fa wan sma di abi so wan siki kan kisi yepi. A e sori sosrefi a pramisi fu Bijbel di e taki dati heri esi nowan siki sa de moro.”