Wan video di e poti prakseri na wan prenspari datrayepi di moro nanga moro sma wani
Afkati, krutuman nanga datra e poti prakseri moro nanga moro na san bun, noso san no bun gi sikisma èn sortu reti den sikisma abi. A sani disi e meki taki nyun fasi fu yepi èn fu dresi sikisma kon de èn Yehovah Kotoigi kan kisi wini fu dati (Tori fu den Apostel 15:28, 29). Disi na a marki fu a video Transfusiealternatieven — De behoeften en rechten van de patiënt (Tra fasi fu dresi sondro brudu—Den reti nanga den sani di wan siki sma abi fanowdu). Luku a video, èn poti prakseri na san yu leri. Wan sani: Fu di a video abi wan tu syatu pisi na ini pe datra e du oparâsi, meki a de fanowdu taki papa nanga mama musu luku bun te yongu pikin e luku a video disi makandra nanga den.
(1) Fu san ede furu datra e bigin denki tra fasi fu brudutransfusie? (2) Kari dri eksempre fu muilek oparâsi di datra du sondro fu gi sma brudu. (3) Omeni gewoon datra nanga datra di di e du oparâsi de na heri grontapu di taki dati den de klariklari fu yepi sikisma sondro brudu? Fu san ede den de klariklari fu du disi? (4) San kon na krin no so langa pasa na ini ondrosuku di ati-oso du fu brudu tori. (5) San kan pasa nanga a gosontu fu wan sma te a e kisi brudu? (6) Sortu bosroiti furu sabiman teki ini a tori fu den winimarki di sma kisi di den gebroiki tra dresi na presi fu brudu? (7) O ten sma e taki dati wan sma no abi nofo brudu? O furu redi brudu-cel wan sma musu abi fu man tan na libi? Sortu yepi de gi den sma di no abi nofo brudu, noso redi brudu-cel? (8) San musu pasa fu tranga a sikisma, so taki a skin kan meki moro redi brudu-cel? (9) San datra kan du fu meki taki sikisma no lasi tumusi furu brudu te den e du oparâsi? (10) A de so taki den dresi di sma e gebroiki na presi fu brudu kan yepi yongu pikin, noso sikisma di de fu lasi den libi? (11) San na wan fu den moro prenspari gronprakseri di e sori san bun èn san no bun te sma e kisi bun datrayepi? (12) Fu san ede a de prenspari gi wan Kresten fu seti sani na fesi te a wani taki datra yepi en sondro brudu? Fa wi kan du disi?
Te wi wani den datrayepi di kon na fesi na ini a video disi, dan ibriwan sma musu teki a bosroiti akruderi en eigi konsensi di de akruderi Bijbel gronprakseri. Yu teki a bosroiti kaba gi yusrefi èn gi den pikin fu yu sortuwan fu den fasi fu dresi yu sa teki na presi fu brudu? Den famiriman fu yu di no de Kotoigi musu sabi krinkrin sortu bosroiti yu teki, èn den musu sabi sosrefi fu san ede yu teki den bosroiti dati.—Luku „Aksi fu leisiman” na ini A Waktitoren fu 15 yuni nanga a di fu 15 oktober 2000.