A nyun kring konmakandra programa

Na ini den lasti dei fu na ogri owru grontapu disi, a de tumusi prenspari taki wi e tan weri wi krosi na yeye fasi, èn taki wi e kibri wisrefi leki Kresten (Openb. 16:15). Fu dati ede meki a fiti taki a nen fu a kring konmakandra programa fu a dienstyari 2006 na: „Kon tron nyun sma di e kisi nyun fasi”.​—Kol. 3:10.

A fosi dei: Na ini a fosi symposium di nen „Sori taki yu tron wan nyun sma”, wi sa go luku fa wi kan kisi wini na ini ibri afersi fu a libi te wi e kon tron wan nyun sma. Fa wi e tron wan nyun sma? Wi sa go luku a pisi tori disi na a fosi dei te den tu lasti lezing o hori di nen „Dwengi yusrefi fu denki dipi fu bun sani”, nanga „Leri di e meki wi tron nyun sma”.

A di fu tu dei: Na ini a di fu tu symposium di nen „Leri fu taki leki koni sma”, wi sa go luku fa wi musu gebroiki wi tongo leki sma di kon nyun. „Yu e wini na ogriwan?” na a nen fu a publikitaki, di sa sori wi taki wi musu tan na ai fu no fadon na ini den sani di Satan e gebroiki fu kori sma. Den lasti tu lezing fu a kring konmakandra nen „No meki grontapu flaka yu”, nanga „Du muiti ibri dei fu meki a sma di wi de fu inisei, kon nyun”. Den sa yepi wi fu no denki noso tyari wisrefi na wan fasi di no e kruderi nanga den regtfardiki pasi fu Gado. Den a sa yepi wi tu fu tanapu kánkan aladi wi e anbegi Yehovah.

A no de fu taki, dati wi sa prisiri fu kisi a deki-ati disi di o sori wi fa fu tron wan nyun sma èn fa fu tan tyari wisrefi leki wan nyun sma!