Sani di yu kan fruteri fu den tijdschrift

A Waktitoren 15 sep.

„Sma na heri grontapu yere kaba fu Yesus Krestes. Son sma feni taki a ben de noti moro leki wan prenspari man. Trawan e anbegi en fu di den e si en leki na Almakti Gado. Suma yu denki taki Yesus Krestes ben de? [Gi a sma na okasi fu piki.] A tijdschrift disi e tyari kon na krin suma a ben de trutru, pe a komoto, èn pe a de now.” Leisi Yohanes 17:3.

Ontwaakt! 22 sep.

„Furu sma no abi a moni fu pai gi wan bun oso pe den kan libi na ini. Yu denki taki wan dei sa kon te ala sma sa abi wan bun oso fu libi na ini? [Gi a sma na okasi fu piki.] Na Ontwaakt! disi e taki fa a de now nanga a problema di sma abi taki den no man feni wan bun oso fu libi na ini. A e sori sosrefi fu san ede wi kan abi a dyaranti taki a pramisi disi fu Gado sa kon tru.” Leisi Yesaya 65:21, 22.

A Waktitoren 1 okt.

Leisi na aksi na tapu a kafti. Baka dati, aksi a sma: „Yu sabi fu sortu marki na aksi disi e taki? [Gi a sma na okasi fu piki. Baka dati, leisi Mateyus 24:3.] A Waktitoren disi e taki fu feifi prenspari sani di abi fu du nanga a marki disi èn a e fruklari fu san ede wi musu poti prakseri na dati.” Sori a sma a faki na tapu bladzijde 6.

Ontwaakt! 8 okt.

„Fu di sma e dringi sopi pasa marki, meki furu problema e kon. A tijdschrift disi e sori sortu bakapisi a abi gi a skin, te wan sma e gebroiki sopi pasa marki. [Sori a sma a prenki na tapu bladzijde 7.] Den artikel disi e sori fa sma kan tapu fu dringi sopi pasa marki èn san trawan kan du fu yepi den.”