Sani di yu kan fruteri fu den tijdschrift

A Waktitoren 15 sept.

„Milyunmilyun sma e bribi taki den ’santawan’ abi spesrutu makti èn dati a de wan bun sani fu begi nanga yepi fu den. San yu e prakseri? [Gi okasi fu piki.] Luku san Yesus Krestes ben taki. [Leisi Yohanes 14:6.] A sani di skrifi dyaso, e meki sma aksi densrefi efu a fiti fu begi nanga yepi fu den ’santawan’. We, a Waktitoren disi e taki fu a prenspari tori dati.”

Ontwaakt! 22 sept.

„Furu sma na ini a ten disi e broko den ede nanga den ogri-ati sani di sma e du fu gens tirimakti. Sma e broko den ede sosrefi nanga den ogri-ati fetisani di kan kiri sma wantewante. Yu denki taki libisma tirimakti man tyari wan kaba kon na ala den ogri-ati sani disi? [Gi okasi fu piki.] Bijbel e sori wi san Gado o du. [Leisi Esekièl 34:28.] We, na Ontwaakt! disi e taki fu den sani di abi fu du nanga a tori disi.”

A Waktitoren 1 okt.

„Furu sma e aksi densrefi efu oiti wan kaba sa kon na ala den problema di de lontu den. Den e aksi densrefi efu sani soleki orloku, ogridu, nanga ogri-ati sani di sma e du fu gens tirimakti sa kon na wan kaba. San yu e prakseri? [Gi okasi fu piki.] A Bijbel e gi wi a dyaranti disi di e gi trowstu. [Leisi Psalm 37:10, 11.] A tijdschrift disi e fruklari fu san ede Gado no tyari wan kaba kon ete na ogri, èn na den takru bakapisi nanga a sari di a sani disi e tyari kon.”

Ontwaakt! 8 okt.

„Na ini a ten disi a sori taki wan bigi gro de fu osofamiri di abi soso a papa, noso a mama. A Bijbel e sori wi taki a Mekiman fu wi abi sari-ati nanga den. [Leisi Psalm 146:9.] Na Ontwaakt! disi e sori fa Bijbel gronprakseri kan yepi papa noso mama, di de den wawan fu kweki den pikin fu den na wan bun fasi.”