Waktitoren LIBRARY TAPU INTERNET
Waktitoren
LIBRARY TAPU INTERNET
Sranantongo
  • BIJBEL
  • BUKU
  • KONMAKANDRA
  • km 12/06 blz. 6
  • Wi e kisi blesi te wi de klariklari fu gi wisrefi

Felem no de na a pisi disi.

Sorry, wan sani no go bun di wi pruberi fu drai a felem.

  • Wi e kisi blesi te wi de klariklari fu gi wisrefi
  • Wi Kownukondre diniwroko 2006
  • A srefi sortu tori
  • „Meki wi du bun gi ala sma”
    A Waktitoren—A e taki fu Yehovah Kownukondre 2002
  • Yepi fu du bow-wroko gi na organisâsi
    Wi Kresten libi nanga a preikiwroko—Studie-buku—2022
  • Kownoekondre zaalbow na ini Amerkankondre nanga Bakrakondre
    Wi Kownukondre diniwroko 1997
  • Yu kan gi Yehovah yu ten nanga yu krakti?
    Wi Kresten libi nanga a preikiwroko—Studie-buku—2020
Moro sani
Wi Kownukondre diniwroko 2006
km 12/06 blz. 6

Wi e kisi blesi te wi de klariklari fu gi wisrefi

1. Fa David nanga Nehemia sori taki den ben de klariklari fu gi densrefi fu wroko?

1 Di Goliat ben spotu a legre fu Israel, dan iniwan fu den srudati ben kan opo go feti nanga en. Ma nowan enkri srudati opo go feti nanga en. Wan yongu skapuman, di no ben leri fu feti leki srudati, ben de klariklari fu go feti nanga en (1 Sam. 17:32). Di den Dyu komoto na ini katibo, den go baka na Yerusalem, ma den no bow den skotu baka. A sma di ben e kanti win gi a kownu fu Persia, ben libi a hei posisi fu en na a kownu-oso, èn a go na Yerusalem fu go orga a wroko drape (Neh. 2:5). Yehovah blesi den tu man disi, David nanga Nehemia, fu di den ben de klariklari fu gi densrefi.—1 Sam. 17:45, 50; Neh. 6:15, 16.

2. Fu san ede Kresten musu de klariklari fu gi densrefi fu yepi trawan?

2 Na ini a ten disi, sma na grontapu no de klariklari fu gi densrefi fu yepi trawan. Na ini den „lasti dei” disi, sma abi furu fu du, èn furu fu den „lobi densrefi nomo” (2 Tim. 3:1, 2). A kan pasa makriki taki wan sma e denki en eigi afersi nomo, taki a no e du muiti fu gi ensrefi fu yepi trawan te dati de fanowdu. Ma leki Kresten, wi wani teki na eksempre fu Yesus di ben de klariklari fu yepi trawan (Yoh. 5:5-9; 13:12-15; 1 Petr. 2:21). Fa wi kan sori taki wi de klariklari fu gi wisrefi fu yepi trawan, èn sortu blesi wi sa kisi?

3. Te wi de klariklari fu gi wisrefi, dan sortu wini dati abi gi den gemeente konmakandra?

3 Fu yepi den brada fu wi: Wi kan gi trawan wan „presenti na yeye fasi” te wi e gi piki na den konmakandra (Rom. 1:11). Te wi e gi piki, dan wi e gi grani na Yehovah, wi e frustan èn warderi Bijbel moro bun, èn wi e prisiri moro fu den konmakandra (Ps. 26:12). Wi kan de klariklari tu fu hori wan lezing na a Theokrasia Diniwroko-skoro te wan sma no man hori a lezing fu en. Disi sa yepi wi fu kon tron moro bun leriman.

4. Na sortu tra fasi wi kan sori taki wi de klariklari fu gi wisrefi fu yepi trawan?

4 Brada kan sori taki den de klariklari fu gi densrefi te den e du muiti fu teki frantwortu na ini a gemeente (Yes. 32:2; 1 Tim. 3:1). Ala sma kan yepi fu meki sani waka bun na den kongres èn na den tra bigi konmakandra te den de klariklari fu wroko na difrenti afdeling. Te wi de klariklari fu wroko makandra nanga a kring-opziener na ini a preikiwroko, noso fu kari en kon na wi oso fu nyan nanga wi, dan „wi e gi makandra deki-ati” (Rom. 1:12). Te wi de klariklari fu yepi pikin di no abi papa, umasma di lasi den masra na ini dede, sikisma nanga sma di grani, mama di abi yongu pikin, èn trawan na ini a gemeente, dan wi e prisiri èn Yehovah sa feni wi bun.—Odo 19:17; Tori. 20:35.

5. Gi sortu wroko di abi fu du nanga Kownukondre zaal, sma de fanowdu?

5 Wan tra fasi fa wi kan sori taki wi de klariklari fu gi wi ten nanga krakti, na fu yepi fu krin a Kownukondre zaal èn fu du tra sani di de fanowdu fu hori a presi bun. Boiti dati, fu di furu sma e kon na ini a tru bribi, meki moro Kownukondre zaal de fanowdu. Moro sma de fanowdu fu yepi bow den konmakandra-presi disi. Wan trowpaar ben de klariklari fu yepi wan Bowkomte fu a kontren fu den, aladi den no ben sabi noti fu bow-wroko. Ma bakaten a trowpaar disi kisi leri, èn now den e yepi fu hari ston. A wefi taki: „Wi kisi bun mati, fu di wi e wroko skinskin nanga tra sma. Na a kaba fu a dei, wi skin weri, ma wi kisi krakti baka na yeye fasi.”

6. Fu san ede a preikiwroko na a moro prenspari wroko di wi kan du te wi wani gi wisrefi fu yepi trawan?

6 Te wi e du a preikiwroko: A moro prenspari wroko di wi kan du fu gi wisrefi fu yepi trawan na ini a ten disi, na a Kownukondre preikiwroko. Te sma e kisi yepi fu frustan èn fu libi akruderi Bijbel gronprakseri, dan den e kisi wan marki na ini a libi èn den e kisi a krakti fu tapu nanga takru gwenti. Den e kon leri a moi howpu di Bijbel abi gi a tamara. Fu di wi e gi leri fu Bijbel, meki wi e du wan prenspari wroko di gi sma wini fu têgo (Yoh. 17:3; 1 Tim. 4:16). Kande wi abi na okasi fu dini leki yepi-pionier noso gewoon pionier, fu froisi go na wan kontren pe preikiman de fanowdu, noso fu leri wan tra tongo.

7. Fu san ede a de prenspari fu gi wisrefi, spesrutu na ini a ten disi?

7 Kownu David ben taki na fesi taki te a Mesias ben o bigin tiri, a pipel fu Gado ben o „de klariklari fu gi densrefi” (Ps. 110:3). Now di Yehovah e meki a lasti kotiwroko go moro gaw, meki furu wroko de fu du pe wi kan gi wisrefi (Yes. 60:22). „Dya mi de! Seni mi.” Na dati yu taki? (Yes. 6:8) Iya, te wi de klariklari fu gi wisrefi, dan wi e plisi Yehovah èn wi e kisi furu wini.

    Sranantongo buku (1978-2025)
    Log Out
    Log In
    • Sranantongo
    • Seni en gi wan sma
    • Settings
    • Copyright © 2025 Watch Tower Bible and Tract Society of Pennsylvania
    • Gebruiksvoorwaarden
    • Privacybeleid
    • Privacyinstellingen
    • JW.ORG
    • Log In
    Seni en gi wan sma