Sani di yu kan fruteri fu den tijdschrift

A Waktitoren 15 nov.

„Wi alamala wani wan koloku libi. Yu e agri nanga a sani di Yesus taki dyaso fu a fasi fa wan sma kan de koloku? [Leisi Mateyus 5:3. Baka dati, gi a sma na okasi fu piki.] A tijdschrift disi e sori taki a de fanowdu taki wi anbegi Gado, èn a e sori tu taki wi kan abi wan koloku libi te wi e du dati.”

Ontwaakt! nov.

„Na ini a ten disi pe sabiman e kon nanga wan lo nyun sani èn pe sma no de klariklari fu bribi sani, furu sma e feni taki Bijbel no de gi a ten disi moro. Fa yu e denki fu a tori dati? [Gi a sma na okasi fu piki.] Bijbel e taki fu sani di abi fu du nanga sabidensi. Yu sabi taki ibriwan fu den sani dati di skrifi na ini Bijbel de soifri? [Leisi Yob 26:7.] A spesrutu Ontwaakt! disi e gi krin buweisi fu san ede wi kan poti wi frutrow tapu Bijbel.”

A Waktitoren 1 dec.

„Fa yu ben o piki na aksi disi? [Leisi na aksi na tapu a kafti. Baka dati, gi a sma na okasi fu piki.] Gado wani taki ala sma de na ini wánfasi. [Leisi Psalm 46:8, 9.] A tijdschrift disi e taki fa ala sma o de na ini wánfasi soleki fa Bijbel e sori.”

Ontwaakt! dec.

„Son sma e feni taki libisma musu dede fu di dati na wan fu den sani di musu pasa so taki den kan libi go doro. Trawan e feni taki te wan sma dede, a no de moro. Yu e bribi taki wi musu frede dede? [Gi a sma na okasi fu piki.] Yob ben sabi taki a ben o dede. Luku fa a ben denki fu a tori disi. [Leisi Yob 14:14, 15.] Bijbel e sori krin san e pasa nanga wi te wi dede, èn a tijdschrift disi e taki fu a tori dati.”