Sani di yu kan fruteri fu den tijdschrift

A Waktitoren 1 mei

„Fu di furu rampu e pasa na ini a ten fu wi, meki taki son sma e aksi densrefi efu na Gado e strafu wi nanga den rampu disi. San yu e denki? [Gi a sma na okasi fu piki. Baka dati leisi 1 Yohanes 4:8.] Na artikel disi e fruteri wi fu san ede Gado no de frantwortu fu a pina di sma e pina leki bakapisi fu den rampu di e pasa.” Taki fu na artikel di e bigin na tapu bladzijde 30.

Ontwaakt! mei

Leisi Mateyus 6:10. Baka dati aksi na ososma: „Oiti yu aksi yusrefi san Gado abi na prakseri gi grontapu? [Gi a sma na okasi fu piki.] Soleki fa Bijbel e sori, dan sensi a bigin Gado ben abi spesrutu sani na prakseri di a wani gi grontapu, èn a prakseri dati no kenki. Na artikel disi e taki fu dati.” Luku na a artikel di e bigin na tapu bladzijde 10.

A Waktitoren 1 yuni

„Wán fu den tori fu Bijbel di furu sma sabi, na a tori fu Noa nanga a Frudu. Yu e denki taki a Frudu ben kon trutru? [Gi a sma na okasi fu piki.] A moi fu si taki Yesus ben taki fu a sani disi leki wan sani di pasa trutru. [Leisi Lukas 17:26, 27.] A tijdschrift disi e gi wi buweisi fu bribi taki a tori fu a Frudu tru, èn a e taki fu den tumusi prenspari sani di wi kan leri fu a tori dati.”

Ontwaakt! yuni

„A de wan tyalensi fu kweki pikin, spesrutu te a pikin gro kon tron wan tini èn son sani e kenki na en skin. Pe yu e denki taki papa nanga mama kan feni bun rai? [Gi a sma na okasi fu piki. Baka dati leisi Yesaya 48:17, 18.] A tijdschrift disi e gi papa nanga mama wan tu rai di kan yepi den na ini a ten disi fu handri nanga koni èn nanga frustan.”