Sani di yu kan fruteri fu den tijdschrift

A Waktitoren april-yuni

„A kan muilek srefisrefi fu du san bun te sma e dwengi wi fu du sani tra fasi. San yu denki kan yepi wi fu tan horidoro? [Gi a sma na okasi fu piki. Baka dati leisi Odo 29:25.] A moi artikel disi e taki fu feifi reide fu san ede wi musu frede fu du sani di Gado no feni bun, na presi fu frede libisma.” Taki fu na artikel di e bigin na tapu bladzijde 22.

Ontwaakt! mei

„Son kerki fesiman e taki dati efu wi e plisi Gado, dan a o meki wi abi furu gudu. Ma kande yu sabi bun sma di pôti. Yu denki taki Gado wani taki wi gudu? [Gi a sma na okasi fu piki. Baka dati leisi Hebrewsma 13:5.] Na artikel disi e fruteri fa Gado e blesi wi.” Taki fu na artikel di e bigin na tapu bladzijde 12.

A Waktitoren april-yuni

„Yu denki taki Gado e arki ala begi? [Gi a sma na okasi fu piki.] Luku san Yesus ben taki fu a tori disi. [Leisi Mateyus 6:7.] Nanga yepi fu Bijbel, a moi artikel disi e gi piki tapu fo aksi di sma lobi poti, èn di abi fu du nanga begi.” Taki fu na artikel di e bigin na tapu bladzijde 14.

Ontwaakt! yuni

„Furu umasma no sabi san fu du te den kon de nanga bere aladi den no ben wani dati. Yu denki taki Bijbel kan yepi wan uma fu sabi san a musu du na ini so wan situwâsi? [Gi a sma na okasi fu piki. Baka dati leisi 2 Timoteyus 3:16, 17.] Na artikel disi e sori san Bijbel e taki fu a tori disi.”