Aksi di opo kon

◼ San yu musu du efu skowtu e tapu yu fu preiki?

Na wan tu okasi, skowtu ben waka miti preikiman di ben e preiki a bun nyunsu, èn den taigi den taki den e pasa a wet, èn taki den musu tapu nanga a preikiwroko. Efu skowtu taigi yu so wan sani, dan na wan switi fasi yu musu komoto wantewante na ini a kontren (Mat. 5:41; Fil. 4:5). Yu no musu pruberi fu sreka a tori yu srefi, fu di yu o bigin wan takimakandra fu sori taki wi abi a reti fu preiki. Efu a kan, dan na wan koni fasi yu kan pruberi fu kon sabi suma na a skowtu èn na sortu skowtu-oso a e wroko. Baka dati taigi den owruman wantewante san pasa, èn den o meki a bijkantoro kon sabi a tori. Na so a de tu taki, efu yu e preiki na wan presi pe den e yuru kamra gi sma, èn a basi fu a presi taigi yu fu no preiki drape, dan yu musu gowe wantewante, èn taigi den owruman san pasa. Te wi e sori switifasi èn sakafasi na ini a fasi fa wi e handri nanga den wan di abi makti, dan dati kan sorgu taki wi no e kon na ini problema di no de fanowdu.—Odo 15:1; Rom. 12:18.