Fu san ede wi musu gowe wantewante?

Te wi de na den preikiwroko konmakandra, dan wi de nanga wi brada nanga sisa èn a no de fu taki dati wi wani gi tori nanga den. Ma te a preikiwroko konmakandra kaba, dan wi musu pruberi fu gowe wantewante na a kontren pe wi o preiki. A preikiwroko fu wi de tumusi prenspari (2 Tim. 4:2). O moro langa wi e draidrai baka a preikiwroko konmakandra, o moro syatu a ten o de fu preiki. Wi o abi nofo ten fu gi makandra deki-ati te wi de na ini a preikiwroko. Efu wi no e draidrai, ma wi e go wantewante na a kontren, dan wi e sori taki wi de fayafaya fu wroko gi Yehovah nanga en Manpikin.​—Rom. 12:11.