Aksi boksoe

◼ Foe san ede wi moesoe gi wi velddienstbericht wantewante na a kaba foe ibri moen?

Wi alamala e firi prisiri te wi e jere foe boen sani di pasa te wi e preiki a Kownoekondre boskopoe. (Loekoe Odo 25:25.) Tori foe den Apostel 2:41 e froeteri dati baka a faja taki foe Petrus na tapoe Pinksterfesa dei „pikinmoro dri doesoen sili ben moksi densrefi toe”. Wan sjatoe pisi ten na baka, a nomroe dati ben gro kon doro „wan sani foe feifi doesoen” (Tori. 4:4). Den boskopoe dati ben sa moesoe gi den kresten foe a fosi jarihondro prisiri! Wi e handri a srefi fasi tapoe den boskopoe na ini a ten disi di e gi wi deki-ati. Wi e prisiri pasamarki foe jere foe a boen bakapisi di den brada foe wi abi nanga a preiki foe a boen njoensoe na heri grontapoe.

Foe di foeroe ten nanga moeiti moesoe poti foe tjari den bericht disi na makandra, a jepi foe ibri Kownoekondre preikiman de tranga fanowdoe. Joe e gi joe bericht wantewante ibri moen?

Bericht taki sani e go na fesi e gi wi foeroe prisiri. Moro fara, den bericht e jepi a Genootschap foe hori ai na tapoe a gro foe a wroko na heri grontapoe. Bosroiti abi foe teki di abi foe doe nanga, pe moro jepi de fanowdoe noso a sortoe èn a nomroe foe lektuur di moesoe meki. Owroeman na ini ibri gemeente e gebroiki velddienstbericht foe si pe go na fesi kan meki. Boen bericht kan bow wi, èn tan gi wi alamala deki-ati foe ondrosoekoe wi eigi diniwroko foe si efoe wi kan go na fesi.

Ala preikiman moesoe erken a frantiwortoe di ibriwan foe den abi foe gi wan velddienstbericht wantewante ibri moen. Gemeente boekoestudie leider de na ini wan boen posisi foe memre den preikiman na a frantiwortoe disi, foe di densrefi de klariklari foe gi persoonlijk jepi na den wan di kande abi pikinso problema foe abi wan prati doronomo na a velddienst ibri moen. A ben kan memre den preikiman na a lasti boekoestudie ibri moen noso na tapoe wan tra ten di fiti. Efoe wan okasi no de foe gi a velddienstbericht na a Kownoekondre zaal, dan a gemeente boekoestudie leider kan teki den èn sorgoe taki a sekretarsi kisi den biten so taki a kan teri den na ini a gemeentebericht foe ala moen gi a Genootschap.

A faja nanga san wi e gi wi velddienstbericht na wan getrowfasi wantewante e meki a lai moro lekti gi den wan di abi a frantiwortoe taki a e go boen nanga wi na jejefasi.