Skrifi san yu du na ini velddienst soifri
1 Dyonsro na nyun Yari-buku sa kon na doro baka nanga na bericht fu heri grontapu fu na dienstyari 1988. Nanga gridi wi e luku fu kisi na publikasi disi sodati wi kan leisi san no so langa pasa kaba du ini na preikiwroko na a heri grontapu (Yes. 60:22). Fudi ala preikiman e du wan sani na a yaribericht disi, dan wi kan du persoonlek fu de seiker taki a de soifri?
2 Na ini Matteus 24:14 wi e leisi fu wi komando na ini den laatste dei fu na seti disi fu preiki. Wi kan sori wi respeki gi Yehovah seti fu orga sani èn sori wi warderi gi na pikin prati di wi abi na dati, fudi na a kaba fu ibri mun wi e gi wi rapport san wi du na ini velddienst. Yu e gi regelmatig yu rapport fu velddienst èn soifri?
SAN YU MU SKRIFI TAPU A RAPPORT
3 Soso heri yuru mu skrifi tapu na rapport gi na gemeente. Wan preikiman kan hori wan pisi fu wan yuru èn teki dati poti ini en bericht fu na tra mun. Fu kan du sani soifri meki a de bun taki ibri tron di wi e go na ini na velddienst, wi skrifi na ten, den buku nanga na nomru fu gobaka di wi gi. Te na a kaba fu na mun wi teri ala den cijfer disi konmakandra, dan wi no afu go denki san wi ben du. Na velddienstrapport di na gemeente e gi e meki a de makriki fu skrifi na bericht disi.
4 No frigiti taki ibri tron taki yu e lei wan bijbelstudi, yu mu teri wan gobaka. Na a kaba fu na mun yu mu meki gi ibri bijbelstudi di yu ben hori wan bijbelstudierapport èn makandra nanga yu velddienst rapport yu mu gi dati. Baka te yu skrifi ala studierapport bun èn soifri, dan na nomru fu ala bijbelstudie di yu ben hori na ini na mun mu skrifi na ini na faki fu en na ini let’anu ondrosei uku fu na velddienstrapport.
5 A gersi taki a de wan sani di fiti fu de leki wan memre fu ferteri taki na ten mu teri fu sensi na ten di yu e bigin nanga na kotoigi-wroko te leki yu kaba yu laatste fisiti na ini na velddienstten dati. Ten di e teki fu dringi wan sani ofu fu nyan ini na ten fu teki bro na ini na velddienst no sa teri sobun leki velddienstactiviteit. Den sma di e hori publiki taki kan teri na ten di trutru e gebroiki na a hori fu na lezing. (Luku Diniwroko-buku, bladzijde 106, par. 1). Fudi yu e du sani nanga yu heri konsensi na ini na skrifi fu wi velddienst, dan wi alamala sa du wan sani fu kisi wan soifri bericht di sa tyari kon na doro na ini na Yaribuku.
6 Fudi na sekretarsi mu seni na velddienstbericht fu na gemeente tapu na di fu siksi dei fu na tra mun go na a Genootschap, dan a no muilek fu frustan fu san-ede a de prenspari taki ibri preikiman direct na a kaba fu na mun gi en velddienstrapport. Fu di ala preikiman sa hori na seti disi na prakseri, meki a sa waka soifri na baka san den e aksi. Na sekretarsi abi siksi dei nomo fu kisi ala rapport, fu teri den èn fu seni na bericht fu na gemeente gwe, sodati na Genootschap e kisi en biten fu teki en poti na ini na velddienstactiviteit fu den moro leki 40 tra gemeente nanga grupu na ini na kondre disi.
7 Ibri preikiman di de klari èn e wroko makandra nanga den seti ini na orga fu sani di wi taki dya na tapsei kan abi na satisfaksi fu sabi taki a ben yepi fu tyari konmakandra fu wan soifri bericht fu na activiteit fu Yehovah Kotoigi na a heri grontapu. (Teki gersi nanga Ezechiël 9:11.) Meki a de so taki wi alamala biten gi wi soifri velddienstbericht!