Wan moi okasi fu arki Kownukondre poku

Den futuboi fu Gado e si poku leki wan moi kado fu Yehovah (Yak. 1:17). Furu gemeente lobi fu prei Kownukondre poku bifo èn baka den gemeente konmakandra, ma den no e prei en tranga. Dati e yepi wi fu bigin poti prakseri na a anbegi fu wi. Boiti dati, te den e prei den moro nyun poku fu wi singibuku, dan wi e kon sabi den poku èn wi o man singi den bun. Te a poku e prei baka a konmakandra, dan dati e gi wi prisiri fu di wi kan abi switi demakandra èn wi kan gi makandra deki-ati. A ben o bun te a skin fu owruman na ini ibri gemeente e seti sani fu prei den poku fu Sing to Jehovah​—Piano Accompaniment bifo èn baka a konmakandra. Den musu sorgu taki a poku no e prei tumusi tranga taki sma no man taki nanga makandra.