Jehovah’s Getuigen — Geloof in actie, Deel 1: Uit het duister
Nofo tron na ini Bijbel a wortu leti abi fu du nanga tru tori, èn a wortu dungru abi fu du nanga leitori (Ps. 43:3; Yes. 5:20). Satan ben meki dungru kon na ini a grontapu disi di a kori Eva èn te fu kaba a meki heri grontapu kon de na ini dungru (Openb. 12:9). A DVD Jehovah’s Getuigen — Geloof in actie, Deel 1: Uit het duister e sori fa a leti bigin skèin baka na ini a dungru grontapu disi (Yes. 60:1, 2). Te yu luku a DVD disi, dan yu kan piki den aksi di e kon?
(1) Fa a du kon taki sma ben kon de na ini dipi dungru baka a dede fu den apostel? (2) San yepi sma fu frustan taki den kerki no ben e leri sma san tru, syatu baka a yari 1100? (3) Suma ben de Henry Grew nanga George Storrs? (4) Sortu sani ben pasa na ini a libi fu Charles Russell, di ben abi furu krakti tapu en? (5) Fa Brada Russel, en papa, nanga wan tu tra sma di den ben sabi ben e hori a Bijbelstudie klas fu den, èn san den ben kon frustan fu Bijbel? (6) Fu san ede a Bijbelstudie grupu disi bigin wroko makandra nanga a grupu fu Nelson Barbour, ma san meki taki Brada Russell no ben wani wroko moro nanga den? (7) San ben pasa na ini 1879 di meki taki a leti fu den tru tori fu Bijbel bigin skèin? (8) Baka dati, di moro nanga moro Bijbel Ondrosukuman ben kon de, dan san den du fu panya a bun nyunsu na ala sei? (9) Langa ten fosi 1914, san den Bijbel Ondrosukuman ben fruwakti taki ben o pasa na ini 1914? (10) Sortu problema ben miti den Bijbel Ondrosukuman baka a dede fu Brada Russell? (11) San den Bijbel Ondrosukuman du baka di Brada Rutherford nanga den tra brada komoto na strafu? (12) Fa a DVD disi yepi yu fu frustan na organisâsi fu Yehovah moro bun èn fu abi moro warderi gi en? (13) Fa a DVD disi gi yu deki-ati fu tan preiki fayafaya aladi problema kan kon? (14) Fa wi kan gebroiki a DVD disi fu yepi wi famiriman, den Bijbelstudie fu wi, nanga tra sma?
Na wan trutru bigi gudu den fosi Bijbel Ondrosukuman libi gi wi na baka! Na ini wan grontapu di de na dungru, den ben tyari a leti fayafaya èn nanga deki-ati. Meki wi teki na eksempre fu den èn meki wi ’tan tyari wisrefi leki pikin fu a leti’.—Ef. 5:8.