Gebroiki a website fu wi na ini yu diniwroko
Gi sma deki-ati fu go na a website: Son sma no wani taki nanga wi fu Bijbel noso teki den publikâsi fu wi. Ma nofo tron den sma disi wani go na a www.pr418.com website fu wi fu kon sabi moro fu Yehovah Kotoigi te den de na oso. Sobun, gebroiki ibri okasi fu fruteri sma fu a website fu wi.
Piki den aksi: Son leisi wan ososma, wan sma di wani sabi moro, noso wan sma di wi sabi, kan aksi wi wan sani di abi fu du nanga Yehovah Kotoigi noso a bribi fu wi. Sori a sma a piki wantewante tapu yu cellulair, tablet noso wan computer. Ma a moro bun fu leisi den Bijbeltekst langalanga na ini Bijbel. Efu yu no abi Internet, dan taigi a sma fa ensrefi kan go na a website www.pr418.com fu kisi piki tapu den aksi fu en.—Go na „Wat de Bijbel leert/Vragen over de Bijbel” noso „Over ons/Veelgestelde vragen”.
Seni wan artikel noso wan publikâsi gi wan sma di yu sabi: Te yu e seni wan e-mail gi wan sma, dan yu kan seni en makandra nanga wan PDF noso wan EPUB di yu download. Noso download wan publikâsi di yu kan poti tapu CD fu arki. Ibri leisi te yu gi wan sma di no dopu wan heri buku, brochure, noso tijdschrift di yu download tapu Internet, dan yu kan teri en leki wan publikâsi di yu prati. Yu no musu seni tumusi furu wán tron. A sma di yu seni den publikâsi go, musu sabi suma seni den. Yu no musu upload noso poti den na nowan tra website tu.—Go na „Publikâsi”.
Sori den lasti nyunsu fu Yehovah Kotoigi: Disi sa yepi den Bijbelstudenti nanga trawan di wi e miti na ini a preikiwroko fu abi moro warderi gi a wroko di wi e du na heri grontapu èn gi a wánfasi di wi leki Kresten abi (Ps. 133:1).—Go na „Nieuws”.
[Prenki na tapu bladzijde 5 di e tyari sani kon na krin]
(Efu yu wani si pe den sani disi skrifi, luku a Kownukondre diniwroko)
Pruberi disi:
1 Na a faki di nen „Publikâsi”, yu kan feni a tori di yu wani download. Baka dati druk na tapu PDF noso MP3.
2 Druk na tapu MP3 fu man si den difrenti artikel. Druk na tapu a nen fu na artikel fu man download en, noso druk na tapu ▸ fu arki tapu Internet.
3 Suku wan tra tongo dyaso te yu wani download wan publikâsi na ini a tongo dati.