A spesrutu kari gi a Memrefesa o bigin 22 maart

A yari disi wi o bigin tapu satra 22 maart fu gi sma wan kari fu kon na a Memrefesa. Wi alamala e kisi a deki-ati fu du ala san wi man fu gi sma wan kari. Te wi e preiki tapu satra noso sonde, wi o pristeri den nyun tijdschrift tu efu dati fiti. A fosi satra na ini april wi o meki spesrutu muiti fu gi sma wan kari, na presi fu bigin Bijbelstudie. Ma efu wi miti wan sma di trutru wani sabi moro, dan toku wi kan pruberi fu bigin wan Bijbelstudie nanga en. A dienst-opziener kan luku efu a de fanowdu fu gi sma wan kari na den presi pe furu sma de, so taki a gemeente kan gi moro sma na ini a kontren wan kari. Wi kan skrifi den nen fu den famiriman fu wi, sma fu wi wrokope noso skoro, den gobaka fu wi, èn tra sma di wi sabi, èn dan wi kan gi den sma disi wan kari te a spesrutu preikiwroko o bigin. Wi e howpu taki furu sma o kon na a Memrefesa nanga wi te wi o memre fa Yehovah nanga Yesus sori bigi lobi gi wi.​—Yoh. 3:16; 15:13.