Wan spesrutu kari
1. O ten wi o bigin gi sma wan kari gi a kongres fu 2014?
1 Kon meki wi taki dati yu o bori wan switi nyanyan gi yu mati noso famiri èn a o teki furu ten nanga moni. Yu ben o breiti fu kari den kon nyan, a no so? Na so na organisâsi sreka furu sani tu fu gi wi moi leri na a distrikt kongres èn na den internationaal kongres fu 2014. Dri wiki fosi a kongres bigin, wi o abi a grani fu gi sma wan kari fu kon na a kongres. San o yepi wi fu de fayafaya te wi e prati den papira fu kari sma kon na a kongres?
2. San o gi wi deki-ati fu du ala san wi man fu gi sma wan kari?
2 Te wi e prakseri o furu wini wi kisi fu den sani di Yehovah leri wi na den kongres, dan dati o gi wi deki-ati fu du ala muiti fu gi sma wan kari (Yes. 65:13, 14). Wi musu hori na prakseri tu taki a wroko disi no de fu soso. Son sma di wi o kari, o kon na a kongres. Ma awinsi furu sma no kon, toku a muiti di wi du o meki Yehovah kisi grani èn a o sori taki Yehovah na wan bun Gado.—Ps. 145:3, 7; Openb. 22:17.
3. Fa wi o prati den papira fu gi sma wan kari gi a kongres?
3 Den owruman fu ibri gemeente musu luku fa a gemeente kan prati den kari na ala sei na ini a kontren fu den. Den owruman o luku tu efu den preikiman musu libi den kari na den oso pe sma no de, noso efu den kan prati den na den presi pe furu sma de. Te wi e prati den papira tapu satra nanga sonde, dan wi kan prati den tijdschrift tu efu a fiti. Efu a fosi satra fu a mun e fadon na ini a pisi ten te wi o prati den kari, dan wi musu poti moro prakseri fu prati den kari na presi fu bigin Bijbelstudie. Te a wroko disi kaba, dan wi o breiti taki wi ben du ala muiti fu gi furu sma wan kari fu kon kisi moi leri fu Yehovah!