Wi o gi sma wan kari fu kon na a kongres

Ibri yari wi breiti te a pisi ten fu a kongres e doro fu di wi sabi taki wi o leri furu sani fu Yehovah. Fu di wi wani taki tra sma ’tesi fa Yehovah bun’, meki wi wani gi ala sma di wi e miti wan kari fu kon na a kongres (Ps 34:8). Den owruman fu ibri gemeente musu luku san na a moro bun fasi fu prati den kari.

SANI WI MUSU HORI NA PRAKSERI

• O ten wi o abi a kongres?

• O ten wi o bigin gi sma wan kari fu kon na a kongres?

• O ten wi abi den preikiwroko konmakandra?

• San mi wani du na a pisi ten te wi o gi sma wan kari fu kon na a kongres?

• Suma mi wani gi wan kari?

SAN YU KAN TAKI?

Baka te yu gi a sma odi, yu kan taki:

„Na heri grontapu wi e gi sma wan kari fu kon na wan prenspari konmakandra. A dei, a ten, nanga na adres skrifi na tapu a papira disi. Wi ben o breiti efu yu ben o kon tu.”

FA YU KAN YEPI SMA DI WANI SABI MORO?

Aladi wi wani gi furu sma wan kari fu kon na a kongres, toku wi musu de na ai fu si suma wani sabi moro fu a boskopu fu wi.

Tapu satra nanga sonde te wi o prati den papira fu gi sma wan kari, dan wi kan prati den tijdschrift tu.