Eksempre di yu kan gebroiki

Fa fu bigin Bijbelstudie tapu a fosi satra na ini yuni

„Wi kon na yu tide fu aksi yu a sani disi. [Sori a sma a fosi aksi na a lasti bladzijde fu A Waktitoren fu 1 yuni.] San yu e denki?” Gi a sma na okasi fu piki. Taki fu den sani di skrifi na a fosi aksi èn taki fu wan fu den Bijbeltekst di kari. Gi a sma den tijdschrift èn seti sani fu go baka na en fu taki fu a piki tapu a tra aksi.

A Waktitoren 1 yuni

„Ibri yari sowan siksi milyun sma e dede fu di den e smoko. San sma kan du fu tyari wan kaba na a problema disi? [Gi a sma na okasi fu piki.] Furu sma di leri fa Gado e si a tori disi, tapu fu smoko èn trawan no bigin smoko srefi. A Bijbeltekst disi yepi son sma fu denki san a smoko di den e smoko e du nanga trawan. [Leisi 1 Korentesma 10:24.] A tijdschrift disi e sori fa Gado e denki fu a smoko di sma e smoko èn fa dati kan gi wan sma deki-ati fu no smoko moro.”

Ontwaakt! yuni

„Furu sma di leri sabi makandra tapu Internet feni taki den na mati. Ma sortu fasi yu denki taki wan trutru mati musu abi? [Gi a sma na okasi fu piki.] Luku wan tekst dyaso na ini Bijbel di e sori fa wi kan feni trutru mati. [Leisi Yakobus 1:19.] A tijdschrift disi e kari fo prenspari sani di kan yepi wi fu de wan sma di trawan ben o wani leki mati.”