Eksempre di yu kan gebroiki

Fa fu bigin Bijbelstudie tapu a fosi satra na ini yuni

„Furu sma nanga suma wi e taki wani taki freide de na grontapu. Ma te nanga now feti de. Fu san ede yu denki taki freide no man de na grontapu?” Gi a sma na okasi fu piki. Baka dati sori a sma na artikel na a lasti bladzijde fu A Waktitoren fu 1 yuni èn taki fu den sani di skrifi na a fosi aksi èn sosrefi wan fu den Bijbeltekst di kari. Gi a sma den tijdschrift èn seti sani fu go baka na en fu taki fu a piki tapu a tra aksi.

Hori na prakseri: Yu musu hori a demonstrâsi disi na a preikiwroko konmakandra fu 1 yuni.

A Waktitoren 1 yuni

„Wi kon na yu tide fu taki syatu fu wan problema di e miti furu sma. Furu sma e feni taki trawan e denki takru fu den son leisi. Yu denki taki wan presi de na grontapu pe sma no e denki takru fu trawan? [Gi a sma na okasi fu piki.] Luku fa Gado e si ala sma. [Leisi Tori fu den apostel 10:34.] A tijdschrift disi e sori fa Gado o meki taki noiti moro sma no e denki takru moro fu trawan.”

Ontwaakt! yuni

„Wi wani aksi yu fa yu e denki fu a sani disi. Wi alamala wani wan moro betre libi. Yu denki taki wi o man abi wan moro betre libi te wi e bai moro gudu? [Gi a sma na okasi fu piki.] Luku a koni rai disi fu Yesus. [Leisi Lukas 12:15.] A tijdschrift disi e sori wi fu no poti gudu na a fosi presi èn a e yepi wi fu luku bun fu no bai ala sani di wi wani.”