Waktitoren LIBRARY TAPU INTERNET
Waktitoren
LIBRARY TAPU INTERNET
Sranantongo
  • BIJBEL
  • BUKU
  • KONMAKANDRA
  • km 7/14 blz. 2
  • San Yehovah e si te a e luku mi?

Felem no de na a pisi disi.

Sorry, wan sani no go bun di wi pruberi fu drai a felem.

  • San Yehovah e si te a e luku mi?
  • Wi Kownukondre diniwroko 2014
  • A srefi sortu tori
  • Gebroiki Bijbel leki wan spikri
    A Waktitoren—A e taki fu Yehovah Kownukondre (Studie-Waktitoren)—2025
  • Tan abi „a lobi di yu ben abi biginbigin”
    A Waktitoren—A e taki fu Yehovah Kownukondre 2008
  • Seibi sani di yu kan du fu kisi wini te yu e leisi Bijbel
    A Waktitoren—A e taki fu Yehovah Kownukondre 2010
  • Fa yu kan sori taki yu e suku a bun fu trawan?
    A Waktitoren—A e taki fu Yehovah Kownukondre 2014
Moro sani
Wi Kownukondre diniwroko 2014
km 7/14 blz. 2

San Yehovah e si te a e luku mi?

1. Fu san ede wi kan taki dati Bijbel de leki wan spikri?

1 Omeni leisi yu e luku na ini wan spikri? Furu fu wi e du dati ibri dei fu di a e yepi wi fu si efu wan sani no bun na wi. Bijbel de leki wan spikri. Te wi e leisi Gado Wortu, dan dati e yepi wi fu si san de na ini wi ati, èn na dati Yehovah e luku (1 Sam. 16:7; Yak. 1:22-24). Gado Wortu man „si krin san wan sma e denki na ini en ati èn san a abi na prakseri fu du” (Hebr. 4:12). Te wi e leisi Bijbel ibri dei èn e prakseri fu den sani di wi leisi, dan dati kan yepi wi fu si sani di wi kan du moro bun, so taki wi kan tron moro bun preikiman.​—Ps. 1:1-3.

2. Fa Bijbel kan yepi wi fu ondrosuku wisrefi?

2 Gebroiki Bijbel leki wan spikri: Te wi e leisi den Bijbel tori di e taki fu reti-ati futuboi fu Yehovah, dan wi e si sortu fasi Yehovah lobi. Wi e leri taki David ben de fayafaya fu no meki Gado kisi porinen (1 Sam. 17:45, 46). Yesaya ben abi deki-ati èn a ben de klariklari fu preiki na ini kontren pe sma ben tranga-ede (Yes. 6:8, 9). Yesus ben lobi en hemel Tata èn dati meki a ben prisiri fu du a diniwroko, na presi fu si en leki wan hebi (Yoh. 4:34). Den Kresten na ini a fosi yarihondro ben e preiki fayafaya, den ben e frutrow na tapu Yehovah èn den ben abi a fasti bosroiti fu no gi abra (Tori 5:41, 42; 2 Kor. 4:1; 2 Tim. 4:17). Te wi e denki dipi fu den eksempre disi, dan dati o yepi wi fu si fa wi kan du wi diniwroko moro bun.

3. Fu san ede wi no musu draidrai fu tyari kenki kon?

3 No draidrai fu tyari kenki kon: Te wi luku na ini wan spikri èn wi si taki wan sani no bun, dan wi no e libi en so. Wi kan aksi Yehovah fu yepi wi fu ondrosuku wisrefi bun, èn fu yepi wi fu tyari kenki kon di de fanowdu (Ps. 139:23, 24; Luk. 11:13). A ten di tan abra kon syatu èn wi kan lasi wi libi. Dati meki wi no musu draidrai fu tyari kenki kon na ini wi libi te dati de fanowdu.​—1 Kor. 7:29; 1 Tim. 4:16.

4. San o pasa nanga wan sma di e ondrosuku Gado Wortu finifini èn di e du san a leri?

4 Yehovah e si san de na ini wan sma ati. A sani dati prenspari moro den sani di wi e si nanga wi ai (1 Petr. 3:3, 4). San o pasa nanga wan sma di e ondrosuku Gado Wortu finifini èn di e du san a leri? ’A no o de wan sma di e frigiti san a yere, ma wan sma di e du san Gado wortu e taki. A o de koloku te a e du dati’ (Yak. 1:25). Iya, wi o de koloku èn wi o man du wi diniwroko bun, bika ’neleki wan spikri, wi o skèin a glori fu Yehovah’.​—2 Kor. 3:18.

    Sranantongo buku (1978-2025)
    Log Out
    Log In
    • Sranantongo
    • Seni en gi wan sma
    • Settings
    • Copyright © 2025 Watch Tower Bible and Tract Society of Pennsylvania
    • Gebruiksvoorwaarden
    • Privacybeleid
    • Privacyinstellingen
    • JW.ORG
    • Log In
    Seni en gi wan sma