Gebroiki Bijbel leki wan spikri

A disipel Yakobus ben agersi Bijbel nanga wan spikri di e yepi wi fu si sortu sma wi de trutru na ini wi ati (Yak. 1:22-25). San na a yoisti fasi fa wi kan gebroiki Bijbel leki wan spikri?

Leisi en finfini. Efu wi e luku wisrefi esi-esi na ini wan spikri, dan kande wi no o man si efu wan sani no bun na wi. Na so a de tu taki efu wi e leisi Bijbel esi-esi, dan wi no o man si san wi musu kenki. Dati meki wi musu leisi Bijbel finfini.

Luku yusrefi, no luku tra sma. Son leisi te wi e luku na ini wan spikri, dan wi kan si trawan tu, èn kande wi o luku san no bun na den. Na so wi ben kan poti prakseri tu na den fowtu fu trawan te wi e leisi Bijbel. Ma dati no ben o yepi wi fu wroko na den fowtu fu wi.

No ferwakti tumsi furu fu yusrefi. Efu wi e tan poti prakseri na den fowtu fu wi di wi e si na ini a spikri, dan wi kan las’ati. Dati meki wi no musu ferwakti moro fu wisrefi leki san Yehovah e ferwakti fu wi.​—Yak. 3:17.