Gebroiki jw.org na ini a preikiwroko

A website fu wi de wan yepi fu preiki a bun nyunsu „te na den moro farawe presi fu grontapu” (Tor. 1:8). Furu ososma no ben sabi a jw.org website, ma den kon sabi en di wan preikiman sori den fa den kan feni en.

Wan kring-opziener download a video Fu san ede wi musu studeri Bijbel? na tapu en cel èn a e sori sma a video disi na ibri okasi di a feni. Fu eksempre, te a e preiki oso fu oso a e taki: „Mi e taki syatu nanga sma fu yepi den fu feni a piki tapu den dri aksi disi: Fu san ede grontapu lai so furu problema? Fa Gado o lusu den problema? San wi kan du now fu man horidoro? A syatu video disi e piki den aksi dati.” A e bigin prei en èn a e luku san na ososma e du. A video moi so kefalek taki furu sma e tan luku teleki a kaba prei. Dan a kring-opziener e taki: „Soleki fa yu yere, yu kan aksi wan Bijbelstudie tapu Internet. Efu yu wani, mi kan sori yu syatu fa wi e hori wan Bijbelstudie.” Efu na ososma wani, dan a e gebroiki a Bun nyunsu-brochure fu sori en fa wi e du dati. Efu na ososma no abi ten, dan a brada disi e meki mofo nanga en fu du dati wan tra leisi. Te a kring-opziener e go dringi wan sani, dan a e bigin taki tori nanga wan sma di e sidon krosibei fu en, èn a e taigi en wan srefi sortu sani leki san a e taigi den ososma. Yu e gebroiki a jw.org website na ini a preikiwroko?