Fruteri sma san wi e bribi fu a yari 1914

Bijbel e gi wi deki-ati fu de „srekasreka fu opo taki” gi san wi e bribi èn fu „du dati na wan safri fasi èn nanga bigi lespeki” (1 Petr. 3:15). Ma son leisi a kan muilek gi wi fu fruklari dipi Bijbel tori gi sma. Fu eksempre, fa wi du sabi taki a Kownukondre bigin tiri na ini 1914? Fu yepi wi fu piki na aksi disi, den Waktitoren di wi o pristeri na ini oktober nanga november o abi wan artikel na ini di nen „Wan takimakandra nanga wan birtisma​—O ten Gado Kownukondre bigin tiri?” Te yu e leisi fa Winston, a preikiman na ini den artikel disi, e taki nanga na ososma, dan piki den aksi di e kon now.

Fa Winston . . .

• prèise a sma èn fu san ede a du dati?​—Tori 17:22.

• sori sakafasi di a ben fruteri na ososma san a e bribi?​—Tori 14:15.

Fu san ede a ben bun taki a . . .

• luku baka nanga a sma san a fruteri en, fosi a bigin taki fu wan tra sani?

• stop wanwan leisi fu aksi na ososma efu a frustan a tori?

• no fruteri a sma tumusi furu sani na ini wán takimakandra nomo?​—Yoh. 16:12.

Wi kan de nanga tangi taki Yehovah, wi „Gran Leriman”, e leri wi fa wi musu fruklari dipi Bijbel tori gi sma di e angri fu kon sabi den!​—Yes. 30:20.