„A no de na oso baka”

Yu taki dati wan leisi fu wan sma di ben wani sabi moro fu Bijbel? Srefi di yu ben go omeni leisi na a sma oso, yu no ben man miti en. Dati meki yu no ben man gi watra na a siri di yu prani (1 Kor. 3:6). Wanwan leisi preikiman di abi ondrofeni e skrifi wan brifi gi wan sma di den no ben man miti na oso. Son preikiman e hori na prakseri taki a kan muilek fu feni a sma na oso. Dati meki den e aksi en a telefon nomru fu en èn den e taki: „Mi kan sms yu?” Yu kan teri en leki wan gobaka te yu e miti a sma na oso. Boiti dati yu kan teri en leki wan gobaka te yu e preiki gi en na ini wan brifi, wan e-mail, wan sms, te yu libi wan syatu boskopu na tapu papira gi en, noso te yu bel en. Awinsi wi no e miti wan sma furu leisi na oso, toku wi kan meki a kon sabi moro fu Bijbel.