Wan nyun sani fu yepi wi ondrosuku Bijbel

Milyunmilyun preikiman na heri grontapu lobi fu gebroiki na Index van Wachttoren-publicaties fu ondrosuku sani. Ma fu di a abi bun furu difrenti tori na ini, meki wan tu tongo nomo abi en. Fu dati ede a buku Ondrosuku Bijbel moro fini​—Gi Yehovah Kotoigi de na ini sowan 170 tongo. Moro furu fu den buku di kari na ini na Ondrosuku Bijbel-buku, de fu a yari 2000 teleki now. Na Ondrosuku Bijbel-buku no druk na ini tongo di abi na Index kaba, ma a de na tapu a Watchtower Library na tapu CD nanga a Waktitoren​—LIBRARY TAPU INTERNET. Na Ondrosuku Bijbel-buku o yepi yu fu feni piki tapu aksi di yu abi fu Bijbel èn yu kan feni rai di kan yepi yu na ini a libi. A o yepi yu tu fu sreka yusrefi gi den gemeente konmakandra nanga na Osofamiri Anbegi.