Prati „bun sani” nanga sma fu di yu e gi den wan switikon (Mat. 12:35a)

A no de fu taki dati wi alamala wani prati „bun sani” nanga trawan èn taki wi wani „gi sma wan switikon” (Rom. 12:13). Te wan brada e kon hori wan lezing na ini a gemeente, dan den owruman o sorgu taki a gemeente sori en switifasi èn taki a kisi yepi nanga den kostu di a ben meki fu kon hori a lezing. Ma kande wi e tweifri fu gi sma wan switikon fu di wi no abi furu moni noso fu di wi e syen fu kari wan sma kon na wi oso. Te wi e poti prakseri na a rai di Yesus ben gi Marta, dan dati o yepi wi fu no denki so (Luk. 10:39-42). A ben sori Marta taki wan bigi nyanyan noso den moi sani di wan sma abi na ini en oso no de prenspari. Na a deki-ati di wan sma e kisi te a gi trawan wan switikon, dati na „a bun pisi”. Te wi e teki a rai disi, dan wi alamala kan prati „bun sani” nanga wi brada nanga sisa soleki fa Gado Wortu e leri.​—3 Yoh. 5-8.