Waktitoren LIBRARY TAPU INTERNET
Waktitoren
LIBRARY TAPU INTERNET
Sranantongo
  • BIJBEL
  • BUKU
  • KONMAKANDRA
  • km 7/15 blz. 1-2
  • Tan du ala muiti fu meki disipel

Felem no de na a pisi disi.

Sorry, wan sani no go bun di wi pruberi fu drai a felem.

  • Tan du ala muiti fu meki disipel
  • Wi Kownukondre diniwroko 2015
  • A srefi sortu tori
  • Suku okasi fu studeri Bijbel nanga sma
    Wi Kownukondre diniwroko 2010
  • Yu kan yepi fu meki disipel?
    A Waktitoren—A e taki fu Yehovah Kownukondre (Studie-Waktitoren)—2021
  • ’Go, meki discipel!’ — Joe e doe dati?
    Wi Kownukondre diniwroko 1987
  • Moro prékiman kan opo wan bijbelstudie?
    Wi Kownukondre diniwroko 1987
Moro sani
Wi Kownukondre diniwroko 2015
km 7/15 blz. 1-2

Tan du ala muiti fu meki disipel

1. San sma musu du fu kisi frulusu?

1 Na alayari preikiwroko raportu ben sori taki na ini 2014 Gado pipel ben de fayafaya èn den ben du ala san den man fu preiki a bun nyunsu fu a Kownukondre (Mat. 24:14). Wi e preiki oso fu oso, wi e du a spesrutu preikiwroko fu prati traktaat nanga kari, èn wi e preiki na presi pe furu sma e waka pasa. Disi meki taki noiti ete so furu sma yere a boskopu fu Bijbel. Ma efu wi wani taki sma kisi frulusu, dan wi musu yepi den fu tron disipel fu Yesus. Wi kan du dati te wi e studeri Bijbel nanga den.​—1 Tim. 2:4.

2. Sortu aksi o yepi wi fu de srekasreka fu bigin Bijbelstudie?

2 De srekasreka ala ten fu aksi sma efu den wani studeri: Te wan sma wani sabi moro, dan yu e aksi a sma en nen nanga adres? Yu e du muiti fu go baka wantewante fu man bigin wan Bijbelstudie nanga en? Te yu miti wan ososma a fosi leisi, dan yu e sori en fa wi e studeri Bijbel nanga sma? O ten ben de a lasti leisi di yu aksi wan sma di e teki tijdschrift doronomo efu a wani studeri Bijbel? Fa a de nanga den sma na wroko, na skoro, den birtisma fu yu, den famiriman fu yu nanga tra sma di yu sabi? Yu sori den a felem Fu san ede wi musu studeri Bijbel? noso Fa wi e studeri Bijbel nanga sma? Son leisi te wi e preiki nanga den tafra noso wagi, dan sma e teki wan buku di wi e gebroiki fu studeri nanga den. Yu e taigi den sma disi taki den kan studeri Bijbel sondro fu pai?

3. San de fanowdu fu man leri sma den tru tori fu Bijbel?

3 Yehovah nanga Yesus e yepi wi: Fosi Yesus taki dati wi musu ’meki sma tron disipel’, dan a taki dati wi musu „go na sma”. Disi e sori taki na wi musu du muiti fu meki sma tron disipel. Ma Yesus no libi wi fu du a wroko wi wawan. A pramisi wi taki a ben o de nanga wi (Mat. 28:19, 20). Boiti dati, Yehovah gi wi en santa yeye. A gi wi leri èn difrenti wrokosani di wi abi fanowdu fu leri sma den tru tori fu Bijbel (Sak. 4:6; 2 Kor. 4:7). Wi kan begi Yehovah fu gi wi „a firi nanga a krakti” fu du a prenspari wroko disi.​—Fil. 2:13.

4. Fu san ede wi musu tan du muiti fu meki disipel?

4 Wi e prisiri trutru te wi e preiki a bun nyunsu. Ma wi o abi moro prisiri te wi e leri wan sma den tru tori fu Bijbel èn te wi e yepi en fu kon nanga wi na tapu ’a pasi di e tyari sma go na libi’ (Mat. 7:14; 1 Tes. 2:19, 20). Ma san moro prenspari na taki te wi e tan du muiti fu meki disipel, dan wi e plisi Yehovah fu di a „no wani taki wan sma lasi libi. A wani taki ala sma musu kisi na okasi fu sori berow.”​—2 Petr. 3:9.

    Sranantongo buku (1978-2025)
    Log Out
    Log In
    • Sranantongo
    • Seni en gi wan sma
    • Settings
    • Copyright © 2025 Watch Tower Bible and Tract Society of Pennsylvania
    • Gebruiksvoorwaarden
    • Privacybeleid
    • Privacyinstellingen
    • JW.ORG
    • Log In
    Seni en gi wan sma