Elifas:
A kan taki a man disi ben de fu a foto Teiman di ben de na ini a kondre Edom. Yeremia 49:7 e sori taki Teiman ben de wan foto na ini Edom pe furu koniman ben de
A sori leki Elifas ben de a moro owruwan èn a moro prenspariwan fu den dri man di du neleki den ben trowstu Yob. A ben de a fosiwan di taki. A taki dri leisi èn a taki moro langa leki den tu tra man
Den lei di a taki fu Yob:
A spotu Yob taki na fu soso a ben du san reti èn a taki dati Gado no e frutrow den futuboi fu en (Yob 4, 5)
A taki dati Yob e denki tumusi furu fu ensrefi, a ogri èn a no abi lespeki gi Gado (Yob 15)
A taki dati Yob gridi èn a du kruktudu. A taki tu dati Gado e si sma leki soso sani (Yob 22)
Bildad:
A ben de wan bakapikin fu Suwa. A kan taki a ben e libi krosibei fu Eufraat-liba
A ben de a di fu tu sma di taki. A taki dri leisi. A no taki so langa leki Elifas, ma a taigi Yob moro hati sani
Den lei di a taki fu Yob:
A ben wani sori Yob taki den manpikin fu en dede, fu di den ben musu kisi strafu fu den sondu di den du. A ben sori tu taki Yob drai baka gi Gado (Yob 8)
A taki dati Yob ben e du ogri (Yob 18)
A taki dati na fu soso libisma e pruberi fu du san reti (Yob 25)
Sofar:
Den lei di a taki fu Yob: